27 قازاندا الماتى وبلىسىنداعى سايماساي اۋىلىندا قايعىلى حابار حالىقتى ءدۇر سىلكىندىردى: التىنشى سىنىپ وقۋشىسى ءولى كۇيىندە تابىلدى. الدىن الا اقپارات بويىنشا، بالا ءوز ءۇيىنىڭ اۋلاسىندا وز-وزىنە قول جۇمسادى. وبلىستىڭ ءبىلىم باسقارماسى بالانىڭ وتباسى ەسەپتە تۇرعانىن، ءبىراق الكوگولدى اسىرا پايدالانۋ جانە زورلىق-زومبىلىق فاكتىلەرى انىقتالماعان، دەپ حابارلايدى Dalanews.kz "نەمولچيKz"-عا سىلتەمە جاساپ.

الايدا جەرگىلىكتى تۇرعىندار بۇل مالىمدەمەگە مۇلدە كەلىسپەيدى جانە وقيعانىڭ باسقا نۇسقاسىن حابارلاعان ەدى.

الماتى وبلىسىنىڭ ءبىلىم باسقارماسىنىڭ مالىمەتىنشە، قايتىس بولعان بالا — وتباسىنداعى ورتانشى بالا، ول اناسىمەن، وگەي اكەسىمەن جانە باۋىرلارىمەن بىرگە تۇرعان.

«وتباسى 2024 جىلدان باستاپ تۇرمىستىق جاعدايىنىڭ سانيتارلىق نورمالارعا سايكەس كەلمەۋىنە بايلانىستى پروفيلاكتيكالىق ەسەپتە تۇرعان. وقۋ جىلىنىڭ باسىندا مەكتەپ ءتيىستى قىزمەتتەرمەن بىرلەسىپ تەكسەرىس جۇرگىزىپ، سونىڭ ناتيجەسىندە تۇرمىس جاعدايىنىڭ قاناعاتتانارلىق ەكەنى جانە بۇرىن انىقتالعان كەمشىلىكتەردىڭ جويىلعانى بەلگىلى بولدى. سونداي-اق، وتباسىعا قولداۋ كورسەتۋ جانە ءتۇسىندىرۋ جۇمىستارىن جۇرگىزۋ ماقساتىندا پوليسيا ءبولىمىنىڭ پروفيلاكتيكالىق باقىلاۋىندا بولعان. اتا-انالار تاراپىنان زورلىق-زومبىلىق، الكوگولگە اۋەستىك نەمەسە قىسىم كورسەتۋ فاكتىلەرى انىقتالعان جوق»، — دەپ حابارلادى ۆەدومستۆونىڭ باسپا ءسوز قىزمەتى.

اۋىل تۇرعىندارىنىڭ ايتۋىنشا، وتباسىنىڭ جاعدايى قولايسىز بولعان: اناسى مەن وگەي اكەسىن ءجيى ماس كۇيىندە كورگەن، بالالار، اسىرەسە ەڭ كىشىسى، ءجيى لاس جانە اش بولىپ جۇرگەن. قاسىندا تۇراتىن كورشىلەر  ولارعا تاماق بەرىپ، كيىمدەرىن سىيلاعان.

ولار ۇيدە ءجيى ۇرىس-كەرىس بولىپ تۇرعانىن اتاپ ءوتتى. وگەي اكە ماس بولىپ، «وتباسىنىڭ ءبارىن قۋۋعا» اۋەستەنگەن.

«وگەي اكە بالالاردى ءار قاتەلىك ءۇشىن ۇراتىن، مىسالى، ءتىپتى بالالار قاسىقتى دۇرىس ۇستاماعانى ءۇشىن دە»، — دەيدى  ءبىر كورشى.

قايعىلى وقيعادان كەيىن مەسسەندجەرلەردە قولجازبامەن جازىلعان جەكە كۇندەلىك فوتوسۋرەتتەرى پايدا بولدى. سايماساي تۇرعىندارى بۇل كۇندەلىك قايتىس بولعان بالانىڭ مەنشىگى دەپ وتىر.

كۇندەلىكتەگى جازبالار 2024–2025 جىلدارعا تيەسىلى جانە وندا قورقىنىشتى جايتتار جازىلعان.

«…نەگە تەك ماعان عانا ايقايلاپ، ۇرىپ، ايقايلاپ، ۇرىپ تۇرۋعا بولادى… مەن قاجەتسىزبىن… مەن قالدىقپىن… مەن ەشبىر ءتىرى جانعا قاجەت ەمەسپىن، قاجەت ەمەسپىن…» — دەگەن سياقتى جازبالار كەزدەسەدى.

كۇندەلىك جازبالارىندا مەكتەپتەگى قارىم-قاتىناسقا قاتىستى شاعىمدار دا بار:

«…مەن ءۇشىن قورلايتىن مەكتەپكە كەلدىم… ءبارى قۋانىپ ءجۇر، ءبىراق مەن نەگە ەكەنىن تۇسىنبەيمىن، نەگە، نەگە ەكەنىن ۇعا المايمىن، مەن دە ءبارى سياقتى قۋانىپ، باقىتتى بولعىم كەلەدى…»

الماتى وبلىسىنىڭ پوليسيا دەپارتامەنتى بالانىڭ ءولىمى فاكتىسى بويىنشا قىلمىستىق ءىس تىركەلگەنىن حابارلادى.

«بارلىق تەرگەۋ ارەكەتتەرى الماتى وبلىسىنىڭ پوليسيا دەپارتامەنتىنىڭ ۇيلەستىرۋىمەن جۇرگىزىلىپ، بولعان وقيعانىڭ بارلىق قىرىن تولىق جانە وبەكتيۆتى انىقتاۋعا باعىتتالعان»، — دەپ حابارلادى پوليسيا.