الماتى قالاسى اكىمىنىڭ ورىنباسارى تاعايىندالدى، دەپ حابارلايدى Dalanews.kz.
الماتى قالاسىنىڭ اكىمى دارحان ساتىبالدىنىڭ وكىمىمەن جانە قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن الماتى قالاسى اكىمىنىڭ ورىنباسارى بولىپ ابزال نۇكەنوۆ تاعايىندالدى.
ول ىشكى ساياسات، مادەنيەت، سپورت، ءبىلىم، جاستار ساياساتى جانە ءدىن ىستەرى سالالارىنا جەتەكشىلىك ەتەدى.
ابزال نۇكەنوۆ 1978 جىلى 21 شىلدەدە جەتىسۋ وبلىسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن ءتامامداعان. ساياسي عىلىمدار كانديداتى.
ەڭبەك جولىن 2000 جىلى باستاعان. الماتى قالاسى ىشكى ساياسات دەپارتامەنتىندە جۇمىس ىستەگەن، اۋەزوۆ اۋدانى اكىمىنىڭ ورىنباسارى بولعان.
ءار جىلدارى قاۋىپسىزدىك كەڭەسىنىڭ سيتۋاسيالىق ورتالىعىن باسقارعان، ءدىن ىستەرى جانە ازاماتتىق قوعام ۆيسە-مينيسترى، قاراعاندى وبلىسى اكىمىنىڭ ورىنباسارى، سونداي-اق قازاقستان رەسپۋبليكاسى پرەزيدەنتى اكىمشىلىگىندە باسشىلىق لاۋازىمداردا قىزمەت اتقارعان.
بۇگىنگى كۇنگە دەيىن قازاقستان رەسپۋبليكاسى پرەزيدەنتى اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى بولىپ جۇمىس ىستەگەن.
