Almaty qalasy ákiminiń orynbasary taǵaiyndaldy, dep habarlaidy Dalanews.kz.
Almaty qalasynyń ákimi Darhan Satybaldynyń ókimimen jáne Qazaqstan Respýblikasy Prezidenti Ákimshiliginiń kelisimimen Almaty qalasy ákiminiń orynbasary bolyp Abzal Núkenov taǵaiyndaldy.
Ol ishki saiasat, mádeniet, sport, bilim, jastar saiasaty jáne din isteri salalaryna jetekshilik etedi.
Abzal Núkenov 1978 jyly 21 shildede Jetisý oblysynda dúniege kelgen. Ál-Farabi atyndaǵy Qazaq ulttyq ýniversitetin támamdaǵan. Saiasi ǵylymdar kandidaty.
Eńbek jolyn 2000 jyly bastaǵan. Almaty qalasy Ishki saiasat departamentinde jumys istegen, Áýezov aýdany ákiminiń orynbasary bolǵan.
Ár jyldary Qaýipsizdik Keńesiniń Sitýatsiialyq ortalyǵyn basqarǵan, Din isteri jáne azamattyq qoǵam vitse-ministri, Qaraǵandy oblysy ákiminiń orynbasary, sondai-aq Qazaqstan Respýblikasy Prezidenti Ákimshiliginde basshylyq laýazymdarda qyzmet atqarǵan.
Búgingi kúnge deiin Qazaqstan Respýblikasy Prezidenti Ákimshiliginiń Ishki saiasat bóliminiń meńgerýshisi bolyp jumys istegen.
