اقش پرەزيدەنتٸ دونالد ترامپ پەن قىتاي تٶراعاسى سي تسزينپيننٸڭ وڭتٷستٸك كورەيانىڭ پۋسان قالاسىندا ٶتكەن كەزدەسۋٸ بٸر ساعات قىرىق مينۋتقا سوزىلدى. ەلەم نازار اۋدارعان كەلٸسسٶزدەر جابىق فورماتتا, وڭتٷستٸك كورەيا ەەك ەۋە بازاسىندا ٶتتٸ.
كەزدەسۋدٸڭ باسىندا قوس ەل باسشىلارى ەكٸ ەلدٸڭ تۋلارىمەن بەزەندٸرٸلگەن زالدا بٸر-بٸرٸن قارسى الدى. ترامپ سيدٸ “ەسكٸ دوسىم” دەپ اتاپ, “ۇلى ەلدٸڭ ۇلى باسشىسىمەن قاتار بولۋ — مەن ٷشٸن ٷلكەن قۇرمەت” دەدٸ.
«بٸز كٶپتەگەن مەسەلەلەر بويىنشا كەلٸسٸمگە كەلدٸك, تاعى بٸرنەشەۋٸن دەل قازٸر تالقىلاپ جاتىرمىز», – دەدٸ ترامپ.
ال سي تسزينپين ٶز كەزەگٸندە اقش پەن قىتاي اراسىنداعى قارىم-قاتىناستاردىڭ “جالپى العاندا تۇراقتى بولعانىن” اتاپ ٶتتٸ. ونىڭ ايتۋىنشا, ەكٸ ەل “ورتاق كٶشباسشىلىق اياسىندا دۇرىس باعىتتى ساقتاپ قالا الادى”.
نەگٸزگٸ تاقىرىپتار: ساۋدا, يادرولىق قاۋٸپسٸزدٸك, تۇراقتىلىق
كەلٸسسٶزدەر پۋسان قالاسىنىڭ ماڭىنداعى كيمحە ەۋەجايى جانىنداعى بازا اۋماعىندا ٶتتٸ. اقش دەلەگاتسيياسى قۇرامىندا مەملەكەتتٸك حاتشى ماركو رۋبيو, قارجى مينيسترٸ سكوتت بەسسەنت جەنە ساۋدا ٶكٸلٸ دجەيميسون گرير بولدى.
رەسمي مەلٸمەتتەر جارييالانباعانىمەن, دەرەككٶزدەردٸڭ حابارلاۋىنشا, تاراپتار ساۋدا قاتىناستارى, يادرولىق قاۋٸپسٸزدٸك جەنە ايماقتىق تۇراقتىلىق مەسەلەلەرٸن تالقىلاعان.
ساراپشىلاردىڭ پٸكٸرٸنشە, بۇل كەزدەسۋ جاقىندا مالايزييادا ٶتكەن ەكٸ ەل دەلەگاتسييالارى اراسىنداعى ساۋدا بٸتٸمٸن راستاۋ سيپاتىندا ٶتكەن.
ترامپتىڭ يادرولىق سىناقتارعا قاتىستى مەلٸمدەمەسٸ
پۋسانعا ساپار الدىندا دونالد ترامپ اقش قورعانىس مينيسترلٸگٸنە يادرولىق قارۋ سىناقتارىن دەرەۋ قايتا باستاۋعا بۇيرىق بەرگەنٸن جارييالاعان بولاتىن.
«باسقا ەلدەردٸڭ سىناق باعدارلامالارىنا بايلانىستى مەن بٸزدٸڭ يادرولىق قارۋلارىمىزدى تەڭ جاعدايلاردا سىناۋدى باستاۋدى تاپسىردىم», – دەپ جازدى ترامپ Truth Social جەلٸسٸندە.
بۇل مەلٸمدەمە سيمەن كەزدەسۋگە بٸرنەشە ساعات قالعاندا جاسالىپ, ساراپشىلار پٸكٸرٸنشە, كەلٸسسٶزدەرگە بەلگٸلٸ بٸر شيەلەنٸس ەنگٸزگەن.
ساراپشىلار پٸكٸرٸ
حالىقارالىق داعدارىس توبىنىڭ اعا كەڭەسشٸسٸ الي ۋايننىڭ ايتۋىنشا, كەزدەسۋدەن “ٷلكەن توسىن جاڭالىقتار كٷتۋگە نەگٸز بولماعان”.
«ەڭ باستى نەتيجە - ديالوگتىڭ ٶزٸ. اقش پەن قىتاي بٸر-بٸرٸنٸڭ ەكونوميكاسىنا زييان تيگٸزە الاتىنىن كٶرسەتتٸ, ەندٸ سول ٶزارا تەۋەلدٸلٸكتٸ تەجەۋ قۇرالىنا اينالدىرۋ ماڭىزدى», – دەدٸ ول.
كەزدەسۋ قورىتىندىسى
شامامەن بٸر جارىم ساعاتتان استام جالعاسقان كەلٸسسٶزدەن كەيٸن ەكٸ كٶشباسشى ورتاق مەلٸمدەمە جاساماستان زالدان شىقتى. ترامپ كٶپ ۇزاماي Air Force One ۇشاعىنا مٸنٸپ, ەلگە ورالدى.
