2025 جىلدىڭ باسىنان بەرى الەۋمەتتىك ينسپەكتورلار 1 174 تەكسەرۋ جۇرگىزدى، ونىڭ 423ء-ى جوسپاردان تىس، 450 – پروفيلاكتيكالىق باقىلاۋ شەڭبەرىندە، 301 – پروكۋراتۋرانىڭ تالابى بويىنشا ءوتتى. تەكسەرۋ قورىتىندىسى بويىنشا انىقتالعان بۇزۋشىلىقتاردى جويۋ تۋرالى 552 ۇيعارىم بەرىلدى، 69،9 ملن تەڭگەدەن استام سوماعا 318 ايىپپۇل سالىندى، دەپ حابارلايدى Dalanews.kz

مەملەكەتتىك باقىلاۋمەن قامتىلعاندار: مەملەكەتتىك جانە كۆازيمەملەكەتتىك ۇيىمدار – 248، دەنساۋلىق ساقتاۋ نىساندارى – 134، ءبىلىم بەرۋ – 198، الەۋمەتتىك قورعاۋ – 267، مادەنيەت – 34، سپورت – 24، كولىك ينفراقۇرىلىمى – 42، قوعامدىق تاماقتانۋ – 22، ساۋدا – 90، قارجىلىق قىزمەت كورسەتۋ – 21 جانە باسقا دا نىساندار – 94.

وسىلايشا، ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ الماتى قالاسى بويىنشا حالىقتى الەۋمەتتىك قورعاۋ سالاسىنداعى رەتتەۋ جانە باقىلاۋ كوميتەتىنىڭ دەپارتامەنتى مۇگەدەكتىگى بار ەكىنشى توپتاعى ادامنىڭ ءوتىنىشى نەگىزىندە قالالىق مەكتەپتە حالىقتىڭ قوزعالىسى شەكتەۋلى توپتارى ءۇشىن نىساننىڭ قولجەتىمدىلىگى ماسەلەسى بويىنشا جوسپاردان تىس تەكسەرۋ جۇرگىزدى. تەكسەرۋ قورىتىندىسى بويىنشا نىسان يەسىنە ۇيعارىم بەرىلىپ، جاۋاپتى تۇلعا اكىمشىلىك جاۋاپكەرشىلىككە تارتىلدى.

«بۇگىنگى كۇنى قالالىق ينفراقۇرىلىم مۇگەدەكتىگى بار ادامدار مەن جالپى قوزعالىسى شەكتەۋلى توپتار ءۇشىن ساياباقتار، گۇلزارلار، مەترو، دەنساۋلىق ساقتاۋ نىساندارى، مەملەكەتتىك مەكەمەلەر جانە كۇندەلىكتى قاجەتتى قىزمەتتەر كورسەتىلەتىن ومىرلىك ماڭىزى بار وزگە دە ورىندار شىن مانىندە قولجەتىمدى بولدى»، – دەدى الماتى قالاسىنىڭ تۇرعىنى، ەكىنشى توپتاعى مۇگەدەكتىگى بار ارداق ەسماعانبەتوۆا.