2025 jyldyń basynan beri áleýmettik ınspektorlar 1 174 tekserý júrgizdi, onyń 423-i jospardan tys, 450 – profılaktıkalyq baqylaý sheńberinde, 301 – prokýratýranyń talaby boıynsha ótti. Tekserý qorytyndysy boıynsha anyqtalǵan buzýshylyqtardy joıý týraly 552 uıǵarym berildi, 69,9 mln teńgeden astam somaǵa 318 aıyppul salyndy, dep habarlaıdy Dalanews.kz
Memlekettik baqylaýmen qamtylǵandar: memlekettik jáne kvazımemlekettik uıymdar – 248, densaýlyq saqtaý nysandary – 134, bilim berý – 198, áleýmettik qorǵaý – 267, mádenıet – 34, sport – 24, kólik ınfraqurylymy – 42, qoǵamdyq tamaqtaný – 22, saýda – 90, qarjylyq qyzmet kórsetý – 21 jáne basqa da nysandar – 94.
Osylaısha, QR Eńbek jáne halyqty áleýmettik qorǵaý mınıstrliginiń Almaty qalasy boıynsha Halyqty áleýmettik qorǵaý salasyndaǵy retteý jáne baqylaý komıtetiniń departamenti múgedektigi bar ekinshi toptaǵy adamnyń ótinishi negizinde qalalyq mektepte halyqtyń qozǵalysy shekteýli toptary úshin nysannyń qoljetimdiligi máselesi boıynsha jospardan tys tekserý júrgizdi. Tekserý qorytyndysy boıynsha nysan ıesine uıǵarym berilip, jaýapty tulǵa ákimshilik jaýapkershilikke tartyldy.
«Búgingi kúni qalalyq ınfraqurylym múgedektigi bar adamdar men jalpy qozǵalysy shekteýli toptar úshin saıabaqtar, gúlzarlar, metro, densaýlyq saqtaý nysandary, memlekettik mekemeler jáne kúndelikti qajetti qyzmetter kórsetiletin ómirlik mańyzy bar ózge de oryndar shyn máninde qoljetimdi boldy», – dedi Almaty qalasynyń turǵyny, ekinshi toptaǵy múgedektigi bar Ardaq Esmaǵanbetova.
