جاسىرىن قاۋٸپ: گاز جارىلىسىنان قالاي ساقتانامىز?

28 قازان كٷنٸ تاڭەرتەڭ اقتاۋداعى «ەسييا» تۇرعىن ٷي كەشەنٸنٸڭ جەرتٶلەسٸندە گاز باللونى جارىلدى. مامانداردىڭ ايتۋىنشا, جارىلىستىڭ سەبەبٸ – تۇرمىستىق گاز باللونىن قولدانۋ كەزٸندەگٸ قاۋٸپسٸزدٸك ەرەجەلەرٸن بۇزۋ بولۋى مٷمكٸن.تۇرمىستىق گاز بالونى نەلٸكتەن جارىلادى جەنە قالاي ونىڭ الدىن الامىز? تولىعىراق Dalanews.kz ماتەريالىندا.

تٶتەنشە جاعدايلار مينيسترلٸگٸنٸڭ تٷسٸندٸرۋٸنشە, تۇرمىستىق گاز جارىلىسى تەحنوگەندٸك سيپاتتاعى تٶتەنشە جاعدايعا جاتادى. مۇنداي جاعداي كەزٸندە ادام ٶمٸرٸ مەن دەنساۋلىعىنا قاتەر تٶنەدٸ, تۇرعىن ٷيلەر مەن مٷلٸك زاقىمدانادى.

قر تجم ٶكٸلدەرٸ گاز جارىلىستارىنىڭ كٶپشٸلٸگٸ بٸر سەبەپكە – قاۋٸپسٸزدٸك تالاپتارىنىڭ ساقتالماۋىنا بايلانىستى ورىن الاتىنىن ايتادى. ەسٸرەسە, جەرتٶلە مەن بالكوندا گاز باللوندارىن ساقتاۋ, جٶندەۋ جۇمىستارىن ٶز بەتٸنشە جٷرگٸزۋ, جارامسىز شلانگٸلەر مەن ەسكٸ پليتالاردى پايدالانۋ – جيٸ كەزدەسەتٸن قاتەلٸكتەر.

ماماندار ەسكەرتەدٸ: گازبەن اباي بولىڭىز!

قر تجم تۇرعىندارعا كەلەسٸ قاۋٸپسٸزدٸك ەرەجەلەرٸن قاتاڭ ساقتاۋدى ۇسىنادى:

1. گاز باللوندارىن ٷي ٸشٸندە, ەسٸرەسە جەرتٶلە مەن بالكوندا ساقتاۋعا بولمايدى. باللوندى تەك ارنايى جەلدەتٸلەتٸن بٶلمەدە نەمەسە سىرتتاعى قويمادا ۇستاۋ قاجەت.

2. گاز جابدىقتارىن ٶز بەتٸڭٸزشە ورناتپاڭىز جەنە جٶندەمەڭٸز. بۇل جۇمىستى تەك ارنايى رۇقساتى بار ماماندار ورىنداۋى تيٸس.

3. ۆەنتيلياتسييا مەن تٷتٸن شىعارۋ جٷيەسٸن ٷنەمٸ تەكسەرٸپ وتىرىڭىز. گاز يٸسٸ شىققان جاعدايدا اقاۋدى جاسىرۋعا تىرىسپاڭىز — سالدارى ٶتە اۋىر بولۋى مٷمكٸن.

4. گاز پليتاسىن جىلىتۋ ٷشٸن پايدالانۋعا بولمايدى. اشىق وت وتتەگٸنٸ جۇتىپ, بٶلمەدە كٶمٸرقىشقىل گازىنىڭ جينالۋىنا سەبەپ بولادى.

5. بالالار مەن قارت ادامدارعا تٷسٸندٸرۋ ماڭىزدى. كٶپتەگەن تٶتەنشە جاعداي نەمقۇرايلىق پەن تۇرمىستىق ەدەتتەردەن تۋىندايدى.

گازدىڭ يٸسٸن سەزسەڭٸز,نە ٸستەۋ كەرەك?

• بٸردەن تەرەزە مەن ەسٸكتٸ اشىپ, بٶلمەنٸ جەلدەتۋ;

• گازدىڭ شىعۋ كٶزٸن تابۋ جەنە كراندى جابۋ;

• ەلەكتر قۇرالدارىن قوسپاۋ, ۇيالى تەلەفون قولدانباۋ;

• كٶرشٸلەرگە ەسكەرتۋ جەنە تۇرعىنداردى قاۋٸپسٸز جەرگە شىعارۋ;

• 112 نٶمٸرٸنە قوڭىراۋ شالۋ;

• ەگەر اقاۋ باللوننان شىقسا, موكرايا شٷبەرەكپەن جاۋىپ, ابايلاپ سىرتقا شىعارۋ.

قاۋٸپسٸزدٸكتٸڭ باستى كەپٸلٸ – گاز قىزمەتٸ ماماندارىنىڭ پەتەرلەرگە كٸرۋٸنە مٷمكٸندٸك بەرۋ

قالالىق گاز قىزمەتٸ ماماندارى جوسپارلى تٷردە پەتەرلەرگە كٸرٸپ, جابدىقتاردى تەكسەرٸپ تۇرادى. بۇل قاۋٸپسٸزدٸكتٸڭ باستى شارتى. ەگەر تۇرعىندار ولاردى ٷيگە كٸرگٸزبەسە, ولار ٶز ٶمٸرٸن عانا ەمەس, بٷكٸل ٷي تۇرعىندارىنىڭ ٶمٸرٸن قاتەرگە تٸگەدٸ.

الايدا كەي ادامدار تەكسەرۋشٸلەردٸ ٷيگە كٸرگٸزۋگە قورقىپ جاتادى, سەبەبٸ مامانداردىڭ ورنىنا الاياقتار كەلٸپ قالۋى مٷمكٸن دەگەن قاۋٸپ بار. مۇنداي جاعدايدىڭ الدىن الۋ ٷشٸن تٶمەندەگٸ كەڭەستەرگە نازار اۋدارىڭىز:

1. الدىمەن قىزمەت كٶرسەتۋشٸ ۇيىمعا قوڭىراۋ شالىڭىز. ونىڭ بايلانىس نٶمٸرلەرٸ كوممۋنالدىق تٷبٸرتەكتە كٶرسەتٸلەدٸ.

2. ەسٸكتٸ اشپاس بۇرىن تەكسەرۋشٸنٸڭ قىزمەتتٸك كۋەلٸگٸن تەكسەرٸڭٸز.

3. تۇرعىندار تٸزٸمٸمەن (اتى-جٶنٸ, مەكەنجايى) تانىسىڭىز. جوسپارلى تەكسەرٸس كەزٸندە كوممۋنالدىق قىزمەت ٶكٸلدەرٸ ەدەتتە بٷكٸل ٷيدٸ نەمەسە كٶشەنٸ ارالايدى.

4. ٷيگە بٸر عانا تەكسەرۋشٸنٸ كٸرگٸزٸڭٸز.

5. ماماننىڭ ەرەكەتتەرٸن باقىلاڭىز, ونى بٶلمەدە جالعىز قالدىرماڭىز.

6. بۇزۋشىلىق انىقتالسا, مٸندەتتٸ تٷردە اكت تولتىرۋدى تالاپ ەتٸڭٸز.

7. ەشقاشان الدىن الا اقشا بەرمەڭٸز جەنە تٷبٸرتەكسٸز تٶلەم جاساماڭىز.

تۇرمىستىق گاز جارىلعان جاعدايدا نە ٸستەۋ كەرەك?

1. مٷمكٸندٸك بولسا, ەلەكتر ەنەرگيياسىن, سۋدى جەنە گازدى ٶشٸرٸپ, تەرەزەلەردٸ اشىڭىز.

2. دەرەۋ دالاعا شىعىڭىز.

3. گاز قىزمەتٸنە, ٶرت سٶندٸرۋ جەنە قۇتقارۋ قىزمەتتەرٸنە حابارلاسىڭىز. ەڭ وڭايى — بٸرٸڭعاي قۇتقارۋ نٶمٸرٸ «112»-گە قوڭىراۋ شالۋ.

4. اينالاڭىزعا قاراڭىز: مٷمكٸن, كٶمەككە مۇقتاج ادامدار بار شىعار.

5. دالاعا شىققان سوڭ, جارىلىس بولعان عيماراتتان الىسقا كەتٸپ, قۇرىلىستىڭ بٷلٸنگەن بٶلٸكتەرٸنەن اباي بولىڭىز. ٷيدٸڭ تٸرەۋٸش قۇرىلىمدارى زاقىمدانعان بولسا, قاسىندا تۇرۋ قاۋٸپتٸ.

6. ەگەر سىرتقا شىعۋ مٷمكٸن بولماسا, ەڭ قاۋٸپسٸز جەردٸ تاۋىپ, قۇتقارۋشىلار كەلگەنشە كٷتٸڭٸز.

اقتاۋداعى وقيعا — بارلىعىمىزعا ەسكەرتۋ. ەدەمٸ ينتەرەر نەمەسە ىڭعايلىلىق ٷشٸن قاۋٸپسٸزدٸك ەرەجەلەرٸن ەلەمەۋ قايعىلى جاعدايعا ەكەلۋٸ مٷمكٸن. گازعا سالعىرت قاراماڭىز — ول تەك قانا قىزمەت ەتۋٸ تيٸس, قاۋٸپ تٶندٸرمەۋٸ كەرەك.

ەسكە سالايىق, اقتاۋداعى وقيعا ورنىنا 11 قۇتقارۋشى مەن تٶرت تەحنيكا جۇمىلدىرىلدى. جارىلىس سالدارىنان بەس ادام زارداپ شەكتٸ, ونىڭ ەكەۋٸ — 2010 جەنە 2015 جىلى تۋعان بالالار. زارداپ شەككەندەر اۋرۋحاناعا جەتكٸزٸلدٸ.