شىعىس قازاقستان وبلىسىنداعى "قازتسينك" زاۋىتىندا بولعان جارىلىسقا قاتىستى نەگٸزگٸ نۇسقالار بەلگٸلٸ بولدى, دەپ حابارلايدى dalanews.kz.
بۇل تۋرالى ٸشكٸ ٸستەر مينيسترٸنٸڭ ورىنباسارى سانجار ەدٸلوۆ مەلٸمدەدٸ.
ونىڭ ايتۋىنشا, وقيعاعا بايلانىستى 10-نان استام سوت ساراپتاماسى تاعايىندالعان.
“قازٸرگٸ تاڭدا بٸرنەشە نەگٸزگٸ نۇسقا قاراستىرىلىپ جاتىر. ونىڭ بٸرٸ – تەحنولوگييالىق پروتسەستٸڭ بۇزىلۋى. ەكٸنشٸسٸ – ەڭبەك قاۋٸپسٸزدٸگٸ ەرەجەلەرٸنٸڭ ساقتالماۋى”, – دەدٸ ەدٸلوۆ.
مينيستر ورىنباسارىنىڭ سٶزٸنشە, ەڭبەك قاۋٸپسٸزدٸگٸ تالاپتارىنىڭ بۇزىلۋىنا قاتىستى قىلمىستىق ٸس قوزعالعان. اتالعان باپ بويىنشا كٸنەلٸلەرگە 7 جىلعا دەيٸن باس بوستاندىعىنان ايىرۋ جازاسى قاراستىرىلعان.
ايتا كەتەيٸك, بۇعان دەيٸن شىعىس قازاقستان وبلىسىنداعى قازتسينك كەسٸپورنى اۋماعىنداعى شاڭ جيناۋ قوندىرعىسىندا جارىلىس بولىپ, ارتى ٶرتكە ۇلاسقان, كەيبٸر جەرلەر ٸشٸنارا وپىرىلعان. سالدارىنان ەكٸ ادام قازا تاپتى.
قازٸر ٷيٸندٸلەردٸ تازالاۋ جۇمىستارى جالعاسىپ جاتىر.
«كازتسينكتەگٸ» جارىلىستان كەيٸن زييان زاتتار اۋاعا تاراعان.
