Shyǵys Qazaqstan oblysyndaǵy "Qaztsink" zaýytynda bolǵan jarylysqa qatysty negizgi nusqalar belgili boldy, dep habarlaidy dalanews.kz.
Bul týraly ishki ister ministriniń orynbasary Sanjar Ádilov málimdedi.
Onyń aitýynsha, oqiǵaǵa bailanysty 10-nan astam sot saraptamasy taǵaiyndalǵan.
“Qazirgi tańda birneshe negizgi nusqa qarastyrylyp jatyr. Onyń biri – tehnologiialyq protsestiń buzylýy. Ekinshisi – eńbek qaýipsizdigi erejeleriniń saqtalmaýy”, – dedi Ádilov.
Ministr orynbasarynyń sózinshe, eńbek qaýipsizdigi talaptarynyń buzylýyna qatysty qylmystyq is qozǵalǵan. Atalǵan bap boiynsha kinálilerge 7 jylǵa deiin bas bostandyǵynan aiyrý jazasy qarastyrylǵan.
Aita keteiik, buǵan deiin Shyǵys Qazaqstan oblysyndaǵy Qaztsink kásiporny aýmaǵyndaǵy shań jinaý qondyrǵysynda jarylys bolyp, arty órtke ulasqan, keibir jerler ishinara opyrylǵan. Saldarynan eki adam qaza tapty.
Qazir úiindilerdi tazalaý jumystary jalǵasyp jatyr.
«Kaztsinktegi» jarylystan keiin ziian zattar aýaǵa taraǵan.
