جەلتوقساننان باستاپ رەسەيدە كولىكتەرگە سالىناتىن ۋتيلالىم مولشەرى ارتادى. بۇل شارا اۆتوكاسىپتى قولداۋ ماقساتىندا ەنگىزىلىپ وتىر. الايدا ساراپشىلار مۇنداي قادام ەلدە كولىك قىمباتتاۋىنا جانە تاپشىلىق تۋىنداۋىنا الىپ كەلەتىنىن ايتادى، دەپ حابارلايدى Dalanews.kz.
سونىڭ سالدارىنان رەسەيلىكتەر ارزان كولىك ىزدەپ، قازاقستان نارىعىنا بەت بۇرۋى مۇمكىن. سەبەبى قازاقستاندا سالىقتار مەن الىمدار ازىرگە تومەن دەڭگەيدە قالىپ وتىر.
مامانداردىڭ بولجامىنشا، ەگەر كورشى ەلدەن سۇرانىس كۇرت وسسە، قازاقستاندا دا جاڭا كولىكتەردىڭ باعاسى كوتەرىلۋى ىقتيمال. سونىمەن قاتار، ۇكىمەت وتاندىق نارىقتى قورعاۋ ءۇشىن ۋتيلالىم مولشەرىن قايتا قاراۋى مۇمكىن.
ساراپشىلار رەسەيلىك وزگەرىستەردىڭ ناقتى اسەرى 2026 جىلدىڭ باسىندا سەزىلەدى دەپ بولجاپ وتىر.
