Jeltoqsannan bastap Reseide kólikterge salynatyn ýtilalym mólsheri artady. Bul shara avtokásipti qoldaý maqsatynda engizilip otyr. Alaida sarapshylar mundai qadam elde kólik qymbattaýyna jáne tapshylyq týyndaýyna alyp keletinin aitady, dep habarlaidy Dalanews.kz.
Sonyń saldarynan reseilikter arzan kólik izdep, Qazaqstan naryǵyna bet burýy múmkin. Sebebi Qazaqstanda salyqtar men alymdar ázirge tómen deńgeide qalyp otyr.
Mamandardyń boljamynsha, eger kórshi elden suranys kúrt ósse, Qazaqstanda da jańa kólikterdiń baǵasy kóterilýi yqtimal. Sonymen qatar, Úkimet otandyq naryqty qorǵaý úshin ýtilalym mólsherin qaita qaraýy múmkin.
Sarapshylar reseilik ózgeristerdiń naqty áseri 2026 jyldyń basynda seziledi dep boljap otyr.
