– سٸزدەردٸڭ رۇقساتتارىڭىزبەن ەڭ العاشقى كٸرٸسپە سٶزٸمدٸ م.ح.دۋلاتيدٸڭ سٶزٸمەن باستاعىم كەلەدٸ: «سەن ەلەمدٸ جاۋلاپ الما, ٶيتكەنٸ وندا سانسىز قايعى-قاسٸرەت بار. سەن ودان دا ادامنىڭ جان دٷنيەسٸن مەڭگەر. ول جەردە قانشاما ەلەم بار ەكەنٸن كٶرەسٸڭ».
بەيبٸتشٸلٸك – ادامنىڭ ەڭ ۇلى, ەڭ اسىل قۇندىلىعى ەكەنٸ سٶزسٸز. كٷللٸ ەلەمدەگٸ تىنىشتىقتىڭ, بەيبٸتشٸلٸكتٸڭ ەڭ باستى كٸلتٸ – سارى مايدان قىل سۋىرعانداي ساياسي ديپلوماتييا, ادامي قارىم-قاتىناس, مەملەكەتارالىق سىيلاستىق. بٸر مەملەكەتتٸڭ باسقا مەملەكەتتٸڭ تەرريتورييالىق تۇتاستىعىن, ٸشكٸ ساياساتىن قۇرمەتتەۋٸ, – دەدٸ ديماش قۇدايبەرگەن.
عالىمداردىڭ زەرتتەۋٸندەگٸ ادامزات تاريحى العاش رەت حاتقا تٷسكەننەن بەرگٸ كەزەڭگە كٶز جٷگٸرتسەك, سوڭعى مىڭداعان جىلدا, ياعني 5 جارىم مىڭ جىلدا ادام بالاسى 292 جىل عانا تىنىشتىقتا ٶمٸر سٷرگەن.
– بۇل ٶكٸنٸشتٸ جايت ادامزات ساناسىنىڭ باعزى زامانداردان بەرٸ كٶپ ٶزگەرمەگەنٸن كٶرسەتەدٸ. ەلٸ كٷنگە دەيٸن تالاي ەلدەر سوعىس زاردابىن تارتىپ, ەكونوميكاسى, رۋحانيياتى قۇلدىراپ جاتىر. تالاي جازىقسىز جاندار سول زۇلماتتىڭ زاردابىن شەگۋدە.
مۇنىڭ بارلىعى بەيبٸتشٸلٸك كەتكەن جەردٸ بەرەكەسٸزدٸك جايلايتىندىعىنىڭ ايعاعى. سوعىس وتىن تۇتاتپاۋ, بەيبٸتشٸلٸك ٷشٸن كٷرەسۋ – ححٸ عاسىردىڭ ەڭ ٶزەكتٸ مەسەلەسٸنٸڭ بٸرٸ بوپ تۇر.
بٸز نەلٸكتەن مىڭداعان جىلدار بويى تاتۋ عۇمىر كەشۋدٸ ٷيرەنە الماي كەلەمٸز? وسى سۇراق مەنٸ كٶپتەن بەرٸ مازالايدى. بٸز بٸر جاعادان باس, بٸر جەڭنەن قول شىعارىپ, جالپى ادامزاتتىڭ ورتاق مٷددەسٸ ٷشٸن نەگە بٸرٸگە الماي كەلەمٸز? سوندا بٸزگە نە جەتپەيدٸ? جالپى ارانداتىپ, ٷگٸتتەۋشٸلەردٸڭ قۇيتىرقى ەرەكەتتەرٸ ارقىلى ەل مەن ەلدٸڭ اراسىنا سىزات تٷسٸرٸپ, جاۋلاستىرىپ, ٶز امبيتسييالارىن جٷزەگە اسىرۋ ماقساتىندا مىڭداعان جانداردى ٶلٸمگە ايداپ جاتقان سوعىسقۇمارلىقتى قالاي توقتاتامىز? ول ٷشٸن نە ٸستەۋٸمٸز كەرەك? – دەيدٸ ەنشٸ.
ونىڭ ايتۋىنشا, ادام ٶمٸرٸن ادام ٶلٸمٸمەن قۇتقارۋ – ويعا قونىمسىز, ميعا سىيىمسىز نەرسە. سونىڭ بەرٸن بٸلە تۇرا, ەلٸ كٷنگە دەيٸن نەسٸلگە بٶلٸنٸپ, دٸنارالىق سوعىس, ۇلتارالىق كەلٸسپەۋشٸلٸكتەر بەلەڭ العان زاماندا ٶمٸر سٷرٸپ كەلەمٸز.
– ادامزات بۇل ٶمٸردە ەمتيحاننان ٶتٸپ جاتقانىن ۇمىتىپ, پەندەلٸك تٸرلٸكتەن, كەۋدەمسوق ٶركٶكٸرەكتٸكتەن ارىلا الماي كەلەدٸ.
شەكسٸز امبيتسيياسىمەن سوعىس باستاپ جٷرگەن, ٶزدەرٸن ۇلى سانايتىن كەيبٸر دەرجاۆا باسشىلارى باسقا مەملەكەتتٸڭ ٸشكٸ تٸرلٸگٸنە ارالاسىپ, ونىڭ قالاي ٶمٸر سٷرۋٸن نەگە شەشۋٸ كەرەك? ولار قۇداي ەمەس قوي.
مەن ٶنەر سالاسىندا قىزمەت ەتٸپ جٷرگەندٸكتەن, ەلەمنٸڭ كٶپتەگەن ەلٸندە بولدىم, تٷرلٸ حالىقتاردىڭ مەدەنيەتٸمەن تانىسىپ جٷرمٸن. وسى ۋاقىت ارالىعىندا تٷسٸنگەنٸم – حالىقتىڭ جامانى جوق, جامان ۇلت دەگەن ۇعىم جوق. تەك سول ۋاقىتتىڭ ەنشٸسٸنە كٶز جٷگٸرتسەك, وسى كٷنگە دەيٸن سول حالىقتىڭ ويىن بۇرمالاپ, ٶزٸنٸڭ ارام پيعىلىن جٷزەگە اسىرىپ جٷرگەن مەملەكەت باسشىلارى عانا بار. بۇل شىندىق, – دەدٸ ديماش قۇدايبەرگەن.
ەلەمدٸك ەنشٸ مەيٸرباندىق, تاتۋلىق, ادامسٷيگٸشتٸك, بەيبٸتشٸلٸك سىندى ۇعىمداردى تۋ ەتە وتىرىپ, ادامزاتتىڭ بٸرلٸگٸنە ارنالعان «بٸر اسپان تاعدىرى» اتتى تۋىندىسىن جارىققا شىعارعان.
– ايتپاعىم, بٸز بەرٸمٸز نەسٸلگە, ۇلتقا, دٸنگە, تٷرلٸ ەلگە بٶلٸنەمٸز. بٸراق بٸز بەرٸمٸزگە ورتاق جەر انانىڭ بالاسى ەكەنٸمٸزدٸ ۇمىتپاۋىمىز تيٸس. بەرٸمٸز بٸر اسپان استىندا تۇرىپ جاتىرمىز. ەشبٸر قاسيەتتٸ كٸتاپ ادامدى جاۋزىدىققا, ٶلٸمگە, سوعىسقا شاقىرمايدى.
دٸنارالىق سوعىستىڭ قايدان تۋىنداپ جاتقانى مەن ٷشٸن تٷسٸنٸكسٸز. ەرەسەكتەردٸڭ قاتەلٸگٸ ٷشٸن ٶسكەلەڭ ۇرپاعىمىز, سەبيلەرٸمٸز زارداپ شەكپەۋٸ كەرەك دەپ ويلايمىن. وسى سەبەپتٸ بٸز دٷردارازدىققا جول بەرمەي, ەرقاشاندا دوستاسا الۋىمىز قاجەت. ادامزات پەن ەلەمنٸڭ ەرتەڭٸ بٷگٸنگٸ بٸزدٸڭ قولىمىزدا. بٸز بٸر ٷيدٸڭ, بٸر مەكەننٸڭ, بٸر اسپاننىڭ پەرزەنتٸمٸز, – دەدٸ ديماش قۇدايبەرگەن.
ايتا كەتەيٸك, استانادا بٸرٸنشٸ ورتالىق ازييا مەديافورۋمى جۇمىسىن باستادى. ەكٸ كٷنگە سوزىلاتىن فورۋمدا مەديا ماماندار مەن تانىمال ساراپشىلار ٶڭٸردەگٸ مەديانى دامىتۋدىڭ ٶزەكتٸ مەسەلەلەرٸن تالقىلاپ, ورتالىق ازييادا ورتاق مەديا كەڭٸستٸك قۇرۋ يدەياسىن ساراپتايدى.
