2024 جىلى العاش رەت "بولاشاق" حالىقارالىق ستيپەندياسىنا جانە "500 عالىم" عىلىمي تاعىلىمداماسىنا قۇجاتتاردى قابىلداۋ ۇزدىكسىز جۇرگىزىلەتىن بولادى. قۇجاتتاردى قابىلداۋ 29 ساۋىرگە جوسپارلانعان جانە 25 قازاندا اياقتالادى، - دەپ حابارلايدى Dalanews.kz.
كونكۋرستىق ىرىكتەۋ 2024 جىلعى 10 مامىردان 30 قاراشاعا دەيىن وتەدى. "بولاشاق" ستيپەندياسىنا قۇجاتتار egov.kz. پورتالى ارقىلى قابىلدانادى "500 عالىم" بويىنشا وتىنىمدەردى قابىلداۋ جانە كونكۋرستىق ىرىكتەۋ العاش رەت bolashak.gov.kz. پورتالىندا "ۇمىتكەردىڭ جەكە كابينەتى" بولىمىندە ونلاين جۇرگىزىلەدى. شەتەلدە كادرلار دايارلاۋ كەزىندە باسىمدىق ينجەنەرلىك-تەحنيكالىق جانە مەديسينالىق ماماندىقتارعا بەرىلەدى.
2024 جىلى "بولاشاق" باعدارلاماسى بويىنشا وقۋ ءۇشىن 555 ستيپەنديا ءبولىندى. ونىڭ ىشىندە 395 ستيپەنديا ماگيستراتۋرا جانە رەزيدەنتۋرا، دوكتورانتۋرا باعدارلامالارى بويىنشا – 50 ستيپەنديا، تاعىلىمدامادان ءوتۋ ءۇشىن - 110 ستيپەنديا ءبولىندى.
باسىم ماماندىقتار تىزبەسى ورتالىق جانە جەرگىلىكتى مەملەكەتتىك ورگانداردىڭ وتىنىمدەرى، قىسقا مەرزىمدى جانە ۇزاق مەرزىمدى دامۋ ستراتەگيالارى مەن جوسپارلارى بويىنشا قالىپتاستىرىلدى. ۇمىتكەرلەر سۋ قاۋىپسىزدىگى جانە سۋ بۇرۋ، اگروورمان شارۋاشىلىعى، قۇرىلىس، اوك، جاساندى ينتەللەكت، مولەكۋلالىق گەنەتيكا جانە ت. ب. سياقتى وزەكتى ماماندىقتار بويىنشا شەتەلدە دايىندىقتان وتە الادى.
"بولاشاق" ستيپەندياسى بويىنشا كۆوتالىق ساناتتار قاراستىرىلعان. ولار ينجەنەرلىك-تەحنيكالىق قىزمەتكەرلەر، مەديسينالىق ماماندار جانە اۋىلدىق جەرلەردەن كانديداتتار. كۆوتالىق ساناتتاعى ۇمىتكەرلەر تەگىن تىلدىك دايىندىقتان وتە الادى، سونداي-اق قۇجاتتاردى تاپسىرۋ كەزىندە شەتەلدىك جوعارى وقۋ ورنىنا ءوز بەتىنشە ءتۇسۋدىڭ قاجەتى جوق. ولار ستيپەنديا تاعايىندالعاننان كەيىن وقۋ ورنىن تاڭداي الادى.
"500 عالىم" باعدارلاماسى الەمنىڭ جەتەكشى عىلىمي ورتالىقتارىندا قازاقستاندىق عالىمداردىڭ بىلىكتىلىگىن ارتتىرۋ ماقساتىندا مەملەكەت باسشىسىنىڭ تاپسىرماسىنا سايكەس بەكىتىلدى. عىلىمي تاعىلىمدامالار باعدارلاماسى بويىنشا جىل سايىن 500 ستيپەنديا بولىنەدى.
مەملەكەت اكادەميالىق وقۋعا، تاعىلىمدامادان وتۋگە، ۇشۋعا، مەديسينالىق ساقتاندىرۋعا، ۆيزالىق الىمدارعا، وقۋ ماتەريالدارىن ساتىپ الۋعا جۇمسالاتىن شىعىنداردى جابادى، سونداي-اق اي سايىنعى ستيپەنديا تولەنەدى.
ۇمىتكەرلەرگە قويىلاتىن تالاپتارمەن، باسىم ماماندىقتار تىزبەسىمەن، ۋنيۆەرسيتەتتەر مەن عىلىمي ورتالىقتاردىڭ تىزىمىمەن bolashak.gov.kz. سايتىندا تانىسۋعا بولادى.
