شىعىس قازاقستاندا تۇرمەدە جاتقان الاياق پاۆلودارلىق كاسىپكەردى الداعان، دەپ حابارلايدى Dalanews.kz.
شىعىس قازاقستانداعى تۇزەۋ مەكەمەسىندە جازاسىن وتەپ جۇرگەن ايىپتى پاۆلودارلىق كاسىپكەردىڭ 50 ملن تەڭگەسىن الداپ الىپ العان.
"ول ۇيالى تەلەفون ارقىلى وبلىس اكىمىنىڭ ورىنباسارىنىڭ اتىن جامىلىپ، سۋ تاسقىنىنىڭ سالدارىن جويۋعا كومەك كورسەتەمىن دەپ ءوڭىردىڭ ءىرى كاسىپكەرلەرىنە قوڭىراۋ شالعان. سوتتالۋشى بيزنەس سۋبەكتىسىنە ودان ءارى جەڭىلدىكتەر مەن پرەفەرەنسيالار بەرەمىز دەپ الداپ، كاسىپكەردىڭ 50 ملن تەڭگە سوماسىنداعى اقشالاي قاراجاتىن يەمدەنگەن"، - دەيدى سىبايلاس جەمقورلىققا قارسى ءىس-قيمىل اگەنتتىگى.
ول سوت ۇكىمىمەن بۇرىنعى جازاسىنىڭ ۇستىنە قوسىپ، 8 جىلعا باس بوستاندىعىنان ايىرىلدى.
انتيكوردىڭ ايتۋىنشا، ءتۇرلى اپاتتاردان زارداپ شەككەندەرگە كومەك كورسەتەمىز دەپ الداپ كەتەتىن الاياقتار كوبەيگەن. سىبايلاس جەمقورلىققا قارسى قىزمەت ازاماتتاردى قىراعىلىققا جانە تەك رەسمي دەرەككوزدەرگە سەنۋگە شاقىرادى.
