Shyǵys Qazaqstanda túrmede jatqan alaiaq pavlodarlyq kásipkerdi aldaǵan, dep habarlaidy Dalanews.kz.
Shyǵys Qazaqstandaǵy túzeý mekemesinde jazasyn ótep júrgen aiypty pavlodarlyq kásipkerdiń 50 mln teńgesin aldap alyp alǵan.
"Ol uialy telefon arqyly oblys ákiminiń orynbasarynyń atyn jamylyp, sý tasqynynyń saldaryn joiýǵa kómek kórsetemin dep óńirdiń iri kásipkerlerine qońyraý shalǵan. Sottalýshy biznes sýbektisine odan ári jeńildikter men preferentsiialar beremiz dep aldap, kásipkerdiń 50 mln teńge somasyndaǵy aqshalai qarajatyn iemdengen", - deidi sybailas jemqorlyqqa qarsy is-qimyl agenttigi.
Ol sot úkimimen burynǵy jazasynyń ústine qosyp, 8 jylǵa bas bostandyǵynan aiyryldy.
Antikordyń aitýynsha, túrli apattardan zardap shekkenderge kómek kórsetemiz dep aldap ketetin alaiaqtar kóbeigen. Sybailas jemqorlyqqa qarsy qyzmet azamattardy qyraǵylyqqa jáne tek resmi derekkózderge senýge shaqyrady.
