قازاقستاندىق كاسىپورىنعا تابيعاتتى لاستاعانى ءۇشىن 2،9 ميلليارد تەڭگە ايىپپۇل سالىندى، دەپ حابارلايدى Dalanews.kz.
اقتوبەنىڭ تابيعات قورعاۋ پروكۋرورلارى "ۆوسحود حروم" ءجشس-نىڭ قىزمەتىندە حرومتاۋ اۋدانىندا حروم كەنىن وڭدەۋ كەزىندە زاڭبۇزۋشىلىقتاردى انىقتادى. اتاپ ايتقاندا، كاسىپورىن 2022 جىل ىشىندە مىندەتتى ەكولوگيالىق رۇقساتسىز جۇمىس جاساعان.
"تيىسىنشە، وسى كەزەڭدەگى بارلىق ەميسسيالار، بۇل اتموسفەراعا 52 توننادان استام لاستاۋشى زاتتاردىڭ شىعارىندىلارى (بەيورگانيكالىق شاڭ، ءۇش ۆالەنتتى حروم، ماگنيي وكسيدى جانە ت.ب.)، سونىمەن قاتار جالپى 395 مىڭ توننا كولەمىندە ورنالاستىرىلعان ءىرى كەسەك جانە شلامدى بايىتۋ قالدىقتارى نورماتيۆتەن جوعارى، ياعني زاڭسىز دەپ تانىلدى. تابيعات قورعاۋ پروكۋراتۋراسىنىڭ شارالارىمەن كاسىپورىنعا ەكولوگيالىق رۇقساتسىز قىزمەتتى جۇزەگە اسىرعانى ءۇشىن، 2،9 ميلليارد تەڭگەدەن استام سوماعا ايىپپۇل سالىندى"، – دەلىنگەن حابارلامادا.
سەرىكتەستىك اكىمشىلىك جاۋاپكەرشىلىككە تارتۋ تۋرالى قاۋلىعا سوت تارتىبىمەن شاعىم جاسالدى. وبلىستىق سوتتىڭ ءبىرىنشى جانە اپەللياسيالىق ساتىلارى ايىپپۇلدى زاڭدى دەپ تانىدى.
