Qazaqstandyq kásiporynǵa tabiǵatty lastaǵany úshin 2,9 milliard teńge aiyppul salyndy, dep habarlaidy Dalanews.kz.
Aqtóbeniń tabiǵat qorǵaý prokýrorlary "Voshod Hrom" JShS-niń qyzmetinde Hromtaý aýdanynda hrom kenin óńdeý kezinde zańbuzýshylyqtardy anyqtady. Atap aitqanda, kásiporyn 2022 jyl ishinde mindetti ekologiialyq ruqsatsyz jumys jasaǵan.
"Tiisinshe, osy kezeńdegi barlyq emissiialar, bul atmosferaǵa 52 tonnadan astam lastaýshy zattardyń shyǵaryndylary (beiorganikalyq shań, úsh valentti hrom, magnii oksidi jáne t.b.), sonymen qatar jalpy 395 myń tonna kóleminde ornalastyrylǵan iri kesek jáne shlamdy baiytý qaldyqtary normativten joǵary, iaǵni zańsyz dep tanyldy. Tabiǵat qorǵaý prokýratýrasynyń sharalarymen kásiporynǵa ekologiialyq ruqsatsyz qyzmetti júzege asyrǵany úshin, 2,9 milliard teńgeden astam somaǵa aiyppul salyndy", – delingen habarlamada.
Seriktestik ákimshilik jaýapkershilikke tartý týraly qaýlyǵa sot tártibimen shaǵym jasaldy. Oblystyq sottyń birinshi jáne apelliatsiialyq satylary aiyppuldy zańdy dep tanydy.
