بيشىمبايەۆ پەن بايجانوۆتىڭ ىسىندەگى سۋديا ايجان قۇلبايەۆانى تەلەفون ارقىلى الدەكىمدەر قورقىتقان، - دەپ حابارلايدى Dalanews.kz.

استانا قالاسىنىڭ پوليسيا دەپارتامەنتى سۋديا ايجان قۇلبايەۆاعا قاتىستى قورقىتۋ دەرەگى بويىنشا قىلمىستىق ءىس قوزعادى.

سۋديانىڭ ۇيالى تەلەفونىنا بەلگىسىز نومىردەن قوڭىراۋلار مەن قورقىتۋ حابارلامالارى تۇسكەن.

قىلمىستىق كودەكستىڭ 407-بابىنىڭ 1-بولىگى (سوت تورەلiگiن جۇزەگە اسىرۋعا كەدەرگi جاساۋ ماقساتىندا سوتتىڭ قىزمەتiنە ارالاسۋ) بويىنشا سوتقا دەيىنگى ءىس جۇرگىزۋ باستالدى.

سۋديا جەكە قاۋىپسىزدىك شارالارىمەن قامتاماسىز ەتىلگەن.

سونىمەن قاتار، ينتەرنەتتە جۇرگىزىلگەن مونيتورينگ بارىسىندا سۋدياعا قاتىستى قىلمىستىق قۇقىقبۇزۋشىلىق ىس-ارەكەتتەرى بار كوپتەگەن جاعىمسىز جاريالانىم انىقتالىپتى.

تەكسەرۋ ءىس-شارالارىنىڭ ناتيجەلەرى بويىنشا تەرگەۋ ورگانى قىلمىستىق كودەكستىڭ 411-بابىنىڭ 1-بولىگى (سۋدياعا جالا جابۋ) بويىنشا قىلمىستىق ءىس قوزعادى.

"زاڭ كەز كەلگەن ادامعا سوت تورەلىگىن جۇزەگە اسىرۋ پروسەسىنە، ونىڭ ىشىندە سۋديانىڭ اتىنا جالا جابۋ نەمەسە قورقىتۋ سيپاتىنداعى ماتەريالداردى جاريالاۋ جولىمەن، ىقپال ەتۋگە تىيىم سالاتىنىن ەسكەرتەمىز.
سوت بيلىگىنىڭ بەدەلىن تۇسىرەتىن ارەكەتتەردىڭ جولى كەسىلەدى"، - دەپ ەسكەرتتى جوعارعى سوت وكىلدەرى.

ايتا كەتەيىك، بۇعان دەيىن سۋديا ايجان قۇلبايەۆا ايىپتالۋشىنىڭ ادۆوكاتى ەرلان عازىمجانوۆقا قاتىستى سوتتى قۇرمەتتەمەگەنى ءۇشىن جەكە سوت قاۋلىسىن شىعارۋ تۋرالى ماسەلەنى تالقىلاۋعا سوت پروسەسىن توقتاتتى.

"مەن بيشىمبايەۆقا سۇراق قويىپ بىتكەن جوقپىن. ءسىزدىڭ (سۋديانىڭ) ارەكەتتەرىڭىزگە قارسىلىق بىلدىرۋگە ءماجبۇرمىن. قورعاۋشىلاردى تىڭدامايسىز. ايىپتالۋشىنىڭ سويلەۋىنە مۇرشا بەرمەيسىز، بىزگە سۇراق قويۋعا مۇمكىندىك بەرمەيسىز. بۇل ءبىرجاقتى پروسەسس دەپ ويلايمىز. ءبارى بيشىمبايەۆقا قارسى"، - دەيدى ادۆوكات ەرلان عازىمجانوۆ.

"سوت قورعاۋشى عازىمجانوۆقا قاتىستى سوت وتىرىسى بارىسىندا سوتتى بىرنەشە رەت قۇرمەتتەمەگەنى ءۇشىن جەكە قاۋلى شىعارۋ تۋرالى ماسەلەنى تالقىلاۋ قاجەت دەپ سانايدى. وسى سەبەپتى سوت كەڭەسۋ بولمەسىنە شىعارىلادى"، - دەدى سۋديا.