قازاقستاندا جەكە كەسٸپكەر رەتٸندە رەسمي تٸركەلٸپ, ٶز ٸسٸن جٷرگٸزەتٸن ازاماتتار كٶبەيٸپ كەلەدٸ. ۇلتتىق ستاتيستيكا بيۋروسىنىڭ دەرەگٸنشە, كەيٸنگٸ التى جىلدا جەكە كەسٸپكەرلەر سانى 1,53 ميلليوننان 1,73 ميلليون ادامعا دەيٸن ٶسكەن. بۇل 2019 جىلمەن سالىستىرعاندا شامامەن 13 پايىز ارتىق, دەپ حابارلايدى dalanews.kz.
وسى ارالىقتا جەكە كەسٸپكەر مەرتەبەسٸن الماي, ٶز بەتٸنشە ەڭبەك ەتەتٸن تەۋەلسٸز جۇمىسكەرلەر سانى كەرٸسٸنشە ازايعان. ولاردىڭ قاتارى 555,8 مىڭنان 393,3 مىڭ ادامعا دەيٸن, ياعني ٷشتەن بٸرگە جۋىق قىسقارعان.
2025 جىلى ەلدەگٸ ٶزٸن-ٶزٸ جۇمىسپەن قامتىعاندار سانى 2,1 ميلليون ادامدى قۇرادى. بۇل - جۇمىسپەن قامتىلعان حالىقتىڭ 23,1 پايىزى. اتالعان توپتىڭ قۇرىلىمى دا ايتارلىقتاي ٶزگەرگەن. قازٸر جەكە كەسٸپكەرلەر ٶزٸن-ٶزٸ جۇمىسپەن قامتىعانداردىڭ شامامەن 80 پايىزىن قۇرايدى. ال 2019 جىلى ەلەۋلٸ ٷلەسكە يە بولعان تەۋەلسٸز جۇمىسكەرلەردٸڭ سانى جىل ٶتكەن سايىن كەمٸپ كەلەدٸ.
ٶندٸرٸستٸك كووپەراتيۆ مٷشەلەرٸنٸڭ ٷلەسٸ دە بارىنشا ازايعان. قازٸرگٸ تاڭدا ولاردىڭ سانى ەل بويىنشا 3 مىڭنان 20 مىڭ ادامعا دەيٸنگٸ ارالىقتا. جەكە پراكتيكامەن اينالىساتىن ازاماتتار قاتارى دا كٶپ ەمەس, شامامەن 16-26 مىڭ ادام.
ٶڭٸرلەر اراسىندا تٷركٸستان وبلىسى كٶش باستاپ تۇر. مۇندا 314,2 مىڭ جەكە كەسٸپكەر تٸركەلگەن. ودان كەيٸن الماتى وبلىسى - 165,2 مىڭ, شىمكەنت - 147 مىڭ, الماتى قالاسى - 132 مىڭ جەنە جامبىل وبلىسى 129,4 مىڭ كەسٸپكەرمەن العاشقى بەستٸككە ەندٸ.
ۇلىتاۋ وبلىسىندا 4,8 مىڭ, ال اباي وبلىسىندا 97,3 مىڭ جەكە كەسٸپكەر بار. جالپى كٶرسەتكٸشتەر ەلدٸڭ وڭتٷستٸگٸ مەن سولتٷستٸك-شىعىس ٶڭٸرلەرٸ اراسىنداعى كەسٸپكەرلٸك بەلسەندٸلٸكتە ەلٸ دە ەلەۋلٸ ايىرماشىلىق بار ەكەنٸن اڭعارتادى.
