بقو-دا تابيعات قورعاۋ پروكۋرورى داۋلى ۆيدەودان كەيىن قىزمەتىنەن كەتتى، - دەپ حابارلايدى Dalanews.kz umarovnews.kz-كە سىلتەپ.
تامىزدا Facebook-تە ايبولات بوكەنوۆ اتتى ادام وبلىستىڭ مامانداندىرىلعان تابيعاتتى قورعاۋ پروكۋرورى ابىلاي بيسقالييەۆتىڭ ۆيدەوسىن جاريالاعان بولاتىن. بوكەنوۆتىڭ سوزىنشە، بيسقالييەۆ كۇندىز ماس كۇيدە كوشەدە جۇرگەن.
باتىس قازاقستان وبلىسى پروكۋرورىنىڭ ورىنباسارى ازامات ساتبايەۆ باسىلىمنىڭ رەسمي ساۋالىنا بەرگەن جاۋابىندا قىزمەتتىك تەكسەرۋ ناتيجەلەرىن باياندادى. ۆيدەو الەۋمەتتىك جەلىدە پايدا بولعاننان كەيىن بىردەن 12 تامىزدا ابىلاي بيسقالييەۆ مەديسينالىق تەكسەرۋدەن ءوتىپ، ونىڭ ماس كۇيدە بولعانى انىقتالعان.
"فوتو جانە ۆيدەو سۋرەتتەردىڭ ناقتى تۇسىرىلگەن كۇنىن انىقتاۋ مۇمكىن بولمادى. بۇل رەتتە الەۋمەتتىك جەلى قولدانۋشىلارى مەن ينتەرنەت-اقپاراتتىق رەسۋرستاردا وقىرماندار اراسىندا قوعامدىق نارازىلىق تۋىپ، كوپتەگەن تالقىلاۋلار بولدى"، – دەدى ازامات ساتبايەۆ.
15 تامىزدا جۇرگىزىلگەن قىزمەتتىك تەكسەرىس قورىتىندىسى جانە وبلىستىق پروكۋراتۋرانىڭ تارتىپتىك كوميسسياسىنىڭ ۇسىنىمى نەگىزىندە ابىلاي بيسقالييەۆ قىزمەتتىك تالاپتاردى تولىق ورىنداماعانى تۋرالى ەسكەرتۋ تۇرىندەگى تارتىپتىك جاۋاپكەرشىلىككە تارتىلدى.
"سونىمەن قاتار، بيسقالييەۆ مەملەكەتتىك قىزمەتشىلەردىڭ مورالدىق-ەتيكالىق كەلبەتىنە قويىلاتىن جوعارى تالاپتاردى ءتۇسىنىپ، باسشىلىققا اتقارىپ وتىرعان لاۋازىمىنان بوساتۋ تۋرالى وتىنىشپەن جۇگىندى. 20 تامىزدا ول بقو مامانداندىرىلعان تابيعات قورعاۋ پروكۋرورى قىزمەتىنەن بوساتىلدى"، - دەلىنگەن جاۋاپتا.
