BQO-da tabiǵat qorǵaý prokýrory daýly videodan keiin qyzmetinen ketti, - dep habarlaidy Dalanews.kz umarovnews.kz-ke siltep.
Tamyzda Facebook-te Aibolat Bókenov atty adam oblystyń mamandandyrylǵan tabiǵatty qorǵaý prokýrory Abylai Bisqalievtiń videosyn jariialaǵan bolatyn. Bókenovtiń sózinshe, Bisqaliev kúndiz mas kúide kóshede júrgen.
Batys Qazaqstan oblysy prokýrorynyń orynbasary Azamat Sátbaev basylymnyń resmi saýalyna bergen jaýabynda qyzmettik tekserý nátijelerin baiandady. Video áleýmettik jelide paida bolǵannan keiin birden 12 tamyzda Abylai Bisqaliev meditsinalyq tekserýden ótip, onyń mas kúide bolǵany anyqtalǵan.
"Foto jáne video sýretterdiń naqty túsirilgen kúnin anyqtaý múmkin bolmady. Bul rette áleýmettik jeli qoldanýshylary men internet-aqparattyq resýrstarda oqyrmandar arasynda qoǵamdyq narazylyq týyp, kóptegen talqylaýlar boldy", – dedi Azamat Sátbaev.
15 tamyzda júrgizilgen qyzmettik tekseris qorytyndysy jáne oblystyq prokýratýranyń tártiptik komissiiasynyń usynymy negizinde Abylai Bisqaliev qyzmettik talaptardy tolyq oryndamaǵany týraly eskertý túrindegi tártiptik jaýapkershilikke tartyldy.
"Sonymen qatar, Bisqaliev memlekettik qyzmetshilerdiń moraldyq-etikalyq kelbetine qoiylatyn joǵary talaptardy túsinip, basshylyqqa atqaryp otyrǵan laýazymynan bosatý týraly ótinishpen júgindi. 20 tamyzda ol BQO mamandandyrylǵan tabiǵat qorǵaý prokýrory qyzmetinen bosatyldy", - delingen jaýapta.
