اراب قارجى ينستيتۋتتارى قازاقستان ەكونوميكاسىنا 7 ميلليارد دوللار كولەمىندە ينۆەستيسيا سالاتىن بولدى. الداعى ۋاقىتتا بۇل سوما ارتۋى مۇمكىن دەپ حابارلايدى Dalanews.kz.

بۇل جاڭالىق اراب كونسۋلتاسيالىق توبىنىڭ وتىرىسىنان كەيىن جاريالاندى. سونىمەن بىرگە وسى وتىرىستا بىرنەشە قۇجاتقا قول قويىلدى. كونسۋلتاسيالىق كەڭەس قۇرامىنا يسلام دامۋ بانكى، ساۋد ارابياسىنىڭ دامۋ قورى، وپەك حالىقارالىق دامۋ قورى، كۋۆەيتتىڭ اراب ەكونوميكالىق دامۋ قورى جانە ءابۋ-دابي دامۋ قورى سياقتى ينستيتۋتتار كىرەدى.
⠀

«وسى كەلىسىمدەر اياسىندا قازاقستان ەكونوميكاسىنا جالپى سوماسى 7 ملرد دوللارداي ۇزاق مەرزىمدىك تىكەلەي ينۆەستيسيا تارتىلادى دەسەدى. ۋاقىت وتە كەلە بۇل سوما ارتۋى مۇمكىن»، – دەلىنگەن پرەمەر-مينيستردىڭ باسپا ءسوز قىزمەتى تاراتقان مالىمدەمەدە.
⠀

اراب كونسۋلتاسيالىق توبىنىڭ مۇشەلەرى قازاقستان ءۇشىن باسىم سانالاتىن باعىتتاعى سالالارعا قارجىلاي قولداۋ كورسەتەدى. سونداي-اق، قازاقستان بيلىگى ينۆەستورلارعا كولىك، ەنەرگەتيكا، سۋ رەسۋرستارى، دەنساۋلىق ساقتاۋ سالاسىنداعى ءارتۇرلى جوبا مەن قازاقستاننىڭ 2030 جىلعا دەيىنگى ۇلتتىق ينفراقۇرىلىم جوسپارىن ۇسىندى.

⠀
كاتاردان كەلگەن بيزنەس وكىلدەرى قازاقستانعا قىزىعۋشىلىق تانىتىپ، «بەرەكە بانك» پەن Tele2 جانە Altel ۇيالى بايلانىس وپەراتورلارىن ساتىپ الدى. 2024 جىلدىڭ ناۋرىز ايىندا قازاقستان تەمىر جولىنىڭ ەنشىلەس كاسىپورنى KTZ Express ءباا-نىڭ AD Ports Group كومپانياسىمەن بىرلەسكەن كاسىپورىن قۇرۋدى جوسپارلاپ وتىرعانىن حابارلادى. بۇل كاسىپورىن قازاقستان مەن رەسەيدەن پارسى شىعاناعى ەلدەرىنە، پاكىستان، ءۇندىستان جانە سولتۇستىك افريكاعا جۇك تاسىمالىن جەتكىزەدى.