بەلگييادا فارابي ورتالىعى اشىلادى
ەڭگٸمە بارىسىندا رەكتور وقۋ ورنى تاريحىنا توقتالىپ, قازۇۋ-دىڭ ۇلى فيلوسوف-عالىم ەبۋ ناسىر ەل-فارابي ەسٸمٸمەن اتالاتىن ەلەمدەگٸ بٸردەن-بٸر ۋنيۆەرسيتەت ەكەنٸن اتاپ ٶتتٸ.
– بۇل بٸز ٷشٸن ەرەكشە ماقتانىش ەرٸ ٷلكەن جاۋاپكەرشٸلٸك. ۇلى ويشىل زامانىنان بەرٸ 11 عاسىر ٶتسە دە, ەل-فارابي ٸلٸمٸ بٷگٸنگٸ قوعامدا دا مەنٸ مەن ماعىناسىن جويعان جوق, دەگەن رەكتور عۇلاما عالىمنىڭ ەڭبەكتەرٸن جان-جاقتى زەرتتەۋ, تالداۋ, كەيٸنگٸ جاستارعا ناسيحاتتاۋ باعىتىندا اتقارىلىپ جاتقان اۋقىمدى شارالاردى تٸلگە تيەك ەتتٸ.
ۋنيۆەرسيتەتتە 1993 جىلى قۇرىلعان ەل-فارابي ورتالىعى فارابيتانۋ مەن جالپى قازاقستاندىق عىلىمنىڭ دامۋىنا قوماقتى ٷلەس قوسىپ كەلەدٸ. ورتالىق جىل ٶتكەن سايىن شەتەلدٸك زەرتتەۋ ورتالىقتارىمەن بايلانىستى نىعايتىپ, فارابي مۇرالارىن تٷپنۇسقا – اراب تٸلٸنەن قازاق تٸلٸنە اۋدارىپ, ارنايى كٸتاپتار شىعارۋدا. ەبۋ ناسىر ەل-فارابي بابامىزدىڭ 1150 جىلدىق مەرەيتويىنا وراي ەلەم عالىمدارىنىڭ قاتىسۋىمەن كونفەرەنتسييالار ۇيىمداستىرىلدى.
سونداي-اق ۋنيۆەرسيتەت باسشىسى قازۇۋ بازاسىندا حالىقارالىق فارابيتانۋشىلار ورتالىعىن قۇرۋ جوسپارلانعانىن حابارلاپ, ٶزارا ىنتىماقتاستىققا شاقىردى.
فيلوسوفييا دوكتورى, بەلگٸلٸ تاريحشى-ارابتانۋشى كۋرت ديبوۆ ٶز كەزەگٸندە ەبۋ ناسىر ەل-فارابي ەڭبەكتەرٸن بٸرلەسٸپ زەرتتەۋگە ٷلكەن ىقىلاس تانىتتى. تاياۋ شىعىستاعى قاقتىعىستار تاقىرىبىنا كٶپتەگەن ماقالالار مەن كٸتاپتار ارناعان ساراپشى-مامان قازاقستاننىڭ جەتەكشٸ ۋنيۆەرسيتەتٸنٸڭ عالىمدارىمەن ىنتىماقتاستىققا اسا مٷددەلٸ ەكەنٸن جەتكٸزدٸ.
كەزدەسۋدە تاراپتار بەلگييادا ەل-فارابي ورتالىعىن اشۋ مەن تيٸمدٸ ەرٸپتەستٸكتٸڭ ماڭىزدى سۇراقتارىن تالقىلاپ, الداعى ناقتى قادامداردى انىقتادى. ۋنيۆەرسيەت باسشىسى سٶز سوڭىندا شەتەلدٸك قوناقتىڭ زەرتتەۋ جۇمىستارىنا جان-جاقتى قولداۋ كٶرسەتۋگە دايىن ەكەنٸن جەتكٸزدٸ.
قازۇۋ-عا ساپارى اياسىندا كۋرت ديبوف ەل-فارابي مۇراجايى مەن كٸتاپحاناسىنىڭ سيرەك كٸتاپتار قورىن ارالاپ, ۋنيۆەرسيتەت كامپۋسىمەن تانىستى. سونىمەن قاتار ەل-فارابي ورتالىعىندا قازاقستاننىڭ جەتەكشٸ فارابيتانۋشىلارى جەنە فيلوسوفتارىمەن جٷزدەستٸ.
باسقوسۋعا فيلوسوفييا جەنە ساياساتتانۋ فاكۋلتەتٸنٸڭ دەكانى, ەل-فارابي ورتالىعىنىڭ ديرەكتورى بەكجان مەيٸرباەۆ, فيلوسوفييا عىلىمدارىنىڭ دوكتورى, پروفەسسور جاقىپبەك التاەۆ, قر ۇعا كوررەسپوندەنت-مٷشەسٸ, قر بعم عىلىم كوميتەتٸ فيلوسوفييا, ساياساتتانۋ جەنە دٸنتانۋ ينستيتۋتىنىڭ پروفەسسورى ناتاليا سەيتاحمەتوۆا مەن عىلىمي قىزمەتكەرٸ عالييا قۇرمانعاليەۆا, قازۇۋ-دىڭ فيلوسوفييا جەنە ساياساتتانۋ فاكۋلتەتٸ دٸنتانۋ جەنە مەدەنيەتتانۋ كافەدراسىنىڭ مەڭگەرۋشٸسٸ اينۇر قۇرماناليەۆا سىندى بەلگٸلٸ عالىمدار قاتىستى. ماماندار وتاندىق فارابيتانۋ سالاسىنىڭ جوعارى جەتٸستٸكتەرٸمەن بٶلٸسٸپ, بولاشاقتاعى مٸندەتتەر جايلى كەڭٸنەن سٶز قوزعادى.
