استانادا ەكى ايەلدىڭ ومىرىنە ءبىر دارىگەردىڭ ىس-ارەكەتى سەبەپ بولۋى ىقتيمال. ەكى وپەراسيا دا ءارتۇرلى كلينيكالاردا جاسالعان، دەپ حابارلايدى Dalanews.kz.
ءبىرىنشى جاعداي
كتك مالىمەتىنشە، جازدىڭ باسىندا سەپتورينوپلاستيكادان كەيىن ءبىر ايەل كوز جۇمعان. كەيىن انىقتالعانداي، وپەراسيا جۇرگىزىلگەن كلينيكادا ارنايى رۇقسات قۇجاتى بولماعان. وسىعان بايلانىستى مەديسينالىق مەكەمە ليسەنزياسىنان ايىرىلدى.
ەكىنشى جاعداي
تاعى ءبىر قايعىلى وقيعا كوكتەمدە بولعان. مۇرىنعا جاسالعان پلاستيكالىق وپەراسيادان كەيىن قىز كوماعا ءتۇسىپ، سول كۇيى رەابيليتاسيادان ءوتىپ جاتىر. الايدا وپەراسيا جاسالعان كلينيكا ءالى تەكسەرىلگەن جوق.
كوميتەت تۇسىنىكتەمە بەردى
مەديسينالىق جانە فارماسيەۆتيكالىق باقىلاۋ كوميتەتىندە بۇل ءىس بويىنشا مەديسينالىق ۇيىمنىڭ تاۋەلسىز ساراپتاما جۇرگىزۋگە قۇقىعى بار ەكەنىن مالىمدەدى.
«تۋىستارى ءبىر دارىگەر ەكەنىن ايتادى، ءبىراق مەن ءوزىم بايلانىسقان جوقپىن: بىزدە سۋبەكتپەن دە، تۋىستارمەن دە تىكەلەي بايلانىسۋعا قۇقىق جوق. تەكسەرۋ باستاماي، ناقتى سول دارىگەر ەكەنىن انىقتاي المايمىز. وكىنىشكە قاراي، ولار تاۋەلسىز ساراپتامالىق كوميسسيا قۇرماعان. وسىلايشا ءىس قازان ايىنا دەيىن سوزىلدى، ەندى بۇدان ءارى كۇتۋگە نيەتىمىز جوق»، – دەدى كوميتەت ءتوراعاسىنىڭ ورىنباسارى نۇرلان ايمانوۆ.
بۇعان دەيىن استانادا سوت گوسپيتاليزاسيادان باس تارتىلعان سوتتالعان ازاماتقا ەم كورسەتۋدى قامتاماسىز ەتۋگە مەديسينالىق ورتالىقتى مىندەتتەگەن بولاتىن.
