الەۋمەتتىك جەلىلەردەگى رەپوست ءۇشىن جاڭا ايىپپۇلدار ەنگىزىلۋى مۇمكىن، دەپ حابارلايدى Dalanews.kz.
قازاقستاندا الەۋمەتتىك جەلىلەردە ايتىلعان ادەپسىز پىكىرلەر مەن قورلاۋ سوزدەر ءۇشىن جازالاۋ شارالارى قولدانىلادى – ول كوپقاباتتى ءۇيدىڭ چاتتارىنداعى جازبالاردان باستاپ، ءتۇرلى جاريالانىم استىنداعى پىكىرلەرگە دەيىن قامتيدى.
الايدا الداعى ۋاقىتتا جاۋاپكەرشىلىك تەك زاڭسىز كونتەنتتى جاريالاعاندارعا عانا ەمەس، ونى تاراتقاندارعا – ياعني رەپوست جاساعاندارعا دا قولدانىلۋى مۇمكىن.
«قۇقىقبۇزۋشىلىقتىڭ الدىن الۋ تۋرالى» ءتيىستى زاڭ جوباسى بۇعان دەيىن ماجىلىستە ماقۇلدانعان.
اتاپ ايتقاندا، جاۋاپكەرشىلىك مىنا جاعدايلاردا قاراستىرىلماق:
- كونستيتۋسيالىق قۇرىلىمدى قۇلاتۋعا شاقىرۋ؛
- ەكسترەميستىك نەمەسە تەرروريستىك قىزمەتتى ناسيحاتتاۋ؛
- قاتىگەزدىك پەن زورلىق-زومبىلىقتى دارىپتەۋ؛
- ەسىرتكىگە قاتىستى مازمۇن تاراتۋ جانە سوعان ۇقساس ارەكەتتەر.
