Әлеуметтік желілердегі репост үшін жаңа айыппұлдар енгізілуі мүмкін, деп хабарлайды Dalanews.kz.
Қазақстанда әлеуметтік желілерде айтылған әдепсіз пікірлер мен қорлау сөздер үшін жазалау шаралары қолданылады – ол көпқабатты үйдің чаттарындағы жазбалардан бастап, түрлі жарияланым астындағы пікірлерге дейін қамтиды.
Алайда алдағы уақытта жауапкершілік тек заңсыз контентті жариялағандарға ғана емес, оны таратқандарға – яғни репост жасағандарға да қолданылуы мүмкін.
«Құқықбұзушылықтың алдын алу туралы» тиісті заң жобасы бұған дейін Мәжілісте мақұлданған.
Атап айтқанда, жауапкершілік мына жағдайларда қарастырылмақ:
- конституциялық құрылымды құлатуға шақыру;
- экстремистік немесе террористік қызметті насихаттау;
- қатігездік пен зорлық-зомбылықты дәріптеу;
- есірткіге қатысты мазмұн тарату және соған ұқсас әрекеттер.
