21 قازاندا قازاقستاننىڭ 14 وبلىسىندا داۋىلدى ەسكەرتۋ جاريالاندى دەپ حابارلايدى Dalanews.kz.كازگيدرومەتكە سىلتەمە جاساپ.
اقمولا وبلىسىندا تۇندە جانە تاڭەرتەڭ وبلىستىڭ سولتۇستىگى مەن شىعىسىندا تۇمان بولادى. وڭتۇستىك- باتىسىندا جوعارى ءورت ءقاۋپى ساقتالادى. كوكشەتاۋ قالاسىندا تۇندە جانە تاڭەرتەڭ تۇمان كۇتىلەدى.
جەتىسۋ وبلىسىنىڭ وڭىرلەرىندە تۇمان، ال تۇندە وبلىستىڭ ورتالىعى مەن شىعىسىندا 1-3 گرادۋس ۇسىك كۇتىلەدى. تالدىقورعاندا تۇندە 1-3 گرادۋس ۇسىك بولادى.
سولتۇستىك قازاقستان وبلىسىنىڭ باتىسى، سولتۇستىگى جانە وڭتۇستىگىندە تۇمان كۇتىلەدى. پەتروپاۆل قالاسىندا دا تۇندە جانە تاڭەرتەڭ تۇمان تۇسەدى.
باتىس قازاقستان وبلىسىنىڭ باتىسىندا جاڭبىر كۇتىلەدى. تۇندە جانە تاڭەرتەڭ باتىس پەن سولتۇستىكتە تۇمان بولادى. كۇندىز وبلىستىڭ شىعىسى مەن وڭتۇستىگىندە وڭتۇستىك- شىعىستان سوققان جەلدىڭ ەكپىنى 15- 20 م/c بولادى.
شىعىس قازاقستان وبلىسى تۇندە جانە تاڭەرتەڭ وبلىستىڭ سولتۇستىگىندە تۇمان كۇتىلەدى. كۇندىز وڭتۇستىك- شىعىسىندا شىعىستان، وڭتۇستىك- شىعىستان جەل سوعىپ، ەكپىنى 15-18 م/c جەتەدى.
اتىراۋ وبلىسىندا 21 قازاندا وبلىستىڭ سولتۇستىگىندە، شىعىسىندا جانە وڭتۇستىگىندە وڭتۇستىك- شىعىستان سوققان جەلدىڭ ەكپىنى 15-20 م/c جەتەدى.
سولتۇستىك، وڭتۇستىك جانە شىعىس وڭىرلەردە ەرەكشە ءورت ءقاۋپى ساقتالادى، سولتۇستىك- شىعىس پەن وڭتۇستىك- شىعىستا جوعارى ءورت ءقاۋپى بار.
