21 qazanda Qazaqstannyń 14 oblysynda daýyldy eskertý jarıalandy dep habarlaıdy Dalanews.kz.Kazgıdrometke silteme jasap.

Aqmola oblysynda túnde jáne tańerteń oblystyń soltústigi men shyǵysynda tuman bolady. Ońtústik- batysynda joǵary órt qaýpi saqtalady. Kókshetaý qalasynda túnde jáne tańerteń tuman kútiledi.

Jetisý oblysynyń óńirlerinde tuman, al túnde oblystyń ortalyǵy men shyǵysynda 1-3 gradýs úsik kútiledi. Taldyqorǵanda túnde 1-3 gradýs úsik bolady.

Soltústik Qazaqstan oblysynyń batysy, soltústigi jáne ońtústiginde tuman kútiledi. Petropavl qalasynda da túnde jáne tańerteń tuman túsedi.

Batys Qazaqstan oblysynyń batysynda jańbyr kútiledi. Túnde jáne tańerteń batys pen soltústikte tuman bolady. Kúndiz oblystyń shyǵysy men ońtústiginde ońtústik- shyǵystan soqqan jeldiń ekpini 15- 20 m/c bolady.

Shyǵys Qazaqstan oblysy túnde jáne tańerteń oblystyń soltústiginde tuman kútiledi. Kúndiz ońtústik- shyǵysynda shyǵystan, ońtústik- shyǵystan jel soǵyp, ekpini 15-18 m/c jetedi.

Atyraý oblysynda 21 qazanda oblystyń soltústiginde, shyǵysynda jáne ońtústiginde ońtústik- shyǵystan soqqan jeldiń ekpini 15-20 m/c jetedi.

Soltústik, ońtústik jáne shyǵys óńirlerde erekshe órt qaýpi saqtalady, soltústik- shyǵys pen ońtústik- shyǵysta joǵary órt qaýpi bar.