قما شىعىس قازاقستان وبلىسى بويىنشا دەپارتامەنتى ۇقكد-مەن بىرلەسىپ، سامار اۋدانى اۋماعىنداعى "كەنكارىن" ۋچاسكەسىندە جەر قويناۋىن ءوز بەتىنشە پايدالانۋ جانە باعالى مەتالداردى زاڭسىز ءوندىرۋ دەرەگىن اشكەرەلەدى، دەپ حابارلايدى Dalanews.kz.
جەر قويناۋىن پايدالانۋ مەن قورشاعان ورتانى قورعاۋ سالاسىنداعى زاڭناما تالاپتارىن بۇزا وتىرىپ، كۇدىكتىلەر ەكى جىل بويى ءتيىستى ليسەنزياسىز زاڭسىز التىن ءوندىرىپ، قۇلىنجون وزەنىنىڭ ارناسىن ءوز بەتىنشە وزگەرتكەن.
"زاڭسىز ارەكەتتىڭ سالدارىنان تابيعاتقا كەلتىرىلگەن زالال كولەمى 82 ملن تەڭگەدەن استى. تەكسەرىس بارىسىندا اۋىر ارنايى تەحنيكا (جۇكتيەگىش، ساموسۆال، ەكسكاۆاتور) جانە ونەركاسىپ جابدىعى تاركىلەندى"، - دەدى قما وكىلى.
ۇيىمداستىرۋشى 2 اي مەرزىمگە قاماۋعا الىندى. تەرگەۋ جالعاسىپ جاتىر.
