Райффайзенбанк KASE капиталындағы ірі акциялар пакетінің номиналды ұстаушысы атанды. Осылайынан сүйіншілеген ресейлік басылымдар оның номиналды иелігінде Қазақстан қор биржасының 13,1% немесе 140,8 мың акциясы барын айтады, деп хабарлайды Dalanews.kz.
Әдетте, номиналды акционер бенефициарлардың аты-жөнін құпия сақтау үшін қолданылады.
"Тура осындай пакет акциясына 2024 жылдың 11 қазанына дейін Мәскеу биржасы да иелік еткен. Ол кезде KASE өз акционерлері құрамынан Мосбиржанын шыққанын жариялаған. Ал оның акциялар пакеті екі ресейлік пайлық инвестициялар қорларға берілген: "Нигелла" (оған KASE-нің 8,5%-ы бұйырса) және "Тетис капитал" мен "Баланс Эссет Менеджмент" БК басқаруындағы "Левкаға" (4,6%). Алайда, сауда алаңының сайтындағы ақпаратқа сәйкес, "Нигелла" және "Левкой" көп ұзамай акционерлер тізімінен жоғалған", деп жазады investing.com.
Мосбиржа өзінің санкцияға ұшырауына байланысты KASE акционерлері тізімінен шығуға мәжбүр болды. 2024 жылдың маусым айының ортасында АҚШ Қаржы министрлігінің Шетелдік активтерді бақылау басқармасы Мәскеу биржасын SDN парақшасына енгізді. Мосбиржаға қарсы санкцияларға Ұлыбритания да қосылды. Осыдан кейін бірден KASE өзінің акцияларын сатып алу немесе оларды үшінші тұлғаларға сату туралы Мосбиржамен келіссөздер жүргізетінін мәлімдеді. Қаңтар айының ортасында KASE-нің ресейлік акционерлері Қазақстан биржасының акцияларын сақтау үшін депозитариін ауыстырғаны белгілі болды. Олар 2024 жылғы қарашада АҚШ санкцияларына ұшырауына байланысты осыған дейін қолданып келген "Инфинитум "мамандандырылған депозитарийінің орнына РАЙФФАЙЗЕНБАНКТІ таңдаған болып шықты.
Қазақстандық миноритарлық акционерлер қауымдастығының мәліметінше, бүгінгі таңда KASE-нің ірі акционерлері мыналар болып табылады:
- ҚР Ұлттық Банк — 46,9962%
- Райффайзенбанк (номинальды ұстаушы) — 13,1008%
- "Көммеск-Өмір"АҚ — 7,6351%
- Халық банк — 6,7867%
- Қалған акциялар әртүрлі қаржы ұйымдары, компаниялар мен жеке тұлғалар арасында өзара бөлініп алынған.
Райффайзенбанк - Ресейдегі әмбебап банк, австриялық Raiffeisen Bank International банк тобының еншілес банкі. Штаб-пәтері Мәскеуде орналасқан.
Бұған дейін Нұрлан Смағұловтың компаниясы KASE-дегі жай акцияларын кері қайтарып алғанын жазғанбыз. Бұл арада Қазақстандағы ең ірі MEGA сауда-ойын-сауық орталықтарының (Mega Alma-Ata, Алматыдағы MEGA Park, Астанадағы MEGA Silk Way) желісін салумен және дамытумен айналысатын Astana Group-тың құрылыс саласындағы бөлімшесі - Mega Center Management туралы сөз болып отырғанын нақтылай кетелік.
