Бір ай ішінде орталыққа 2419 адам 3677 сұрақ бойынша жүгінген.
Мұның көбі атаулы әлеуметтік көмек, тұрғын үй, несиелік борышты жабу, бизнес ашу, құқықтық көмек сияқты түйінді мәселелер болды. 2937 сұрақ бойынша жүйелі кеңестер берілген. 741 сұраққа қатысты мәселені шешу бойынша шаралар қабылданған.
«Орталыққа келушілердің ішінде 741 сұраққа қатысты мәселені шешу бойынша шаралар қабылданды. Оның ішінде 156 адамның атаулы әлеуметтік көмек тағайындауға құжаттар қабылданды.
Тұрғын үй мәселелері (кезекті анықтау - 65, Тұрғын үй құрылыс жинақ банкінде шот ашу - 32, қоныс аудару («Нұрлы Ертіс» - 4, СҚО-4) бойынша 105 тұрғынға көмек көрсетілсе, 68 - білім беру (мектепке жол -3, жаппай оқыту -12, бала-бақшаға кезекке қою -35, кезекті анықтау -18) саласы бойынша, 30 – денсаулық саласы бойынша нақты көмек алды. 61 азамат жұмысқа орналастырылды», - деді Нұр-Сұлтан қаласы «Жанұя» отбасы институтын қолдау орталығының үйлестірушісі Әйгерім Тәңірбергенова.
«Бір терезе» қағидасы бойынша 70-тен астам мемлекеттік қызмет көрсететін «Жанұя» орталығы алаңында әлеуметтік қорғау, білім, денсаулық сақтау саласы мекемелері, үкіметтік емес ұйымдар кәсіби психологтар және тағы басқалар белсенді іс-шаралар өткізіп келеді.
Барлығы 1932 адамды қамтыған 68 шара өткізілді.
Айталық, Отбасы күні қарсаңында әйелдер істері және отбасы-демографиялық комиссиясының хатшысы, қалалық басқармалармен бірлесе отырып, Нұр-Сұлтан қаласы түлектеріне жоғарғы оқу орындарына оқу гранттарын табыстау, «Отбасы құндылықтары. Гендерлік мәдениетті қалыптастыру» үздік билборд эскизі конкурсының жеңімпаздарын марапаттау және кәмелетке толмағандар мен олардың ата-аналары үшін 14 семинар-тренингтер ұйымдастырылды.
