– Men Shavkat Mirziiaevtiń Ózbekstan Konstitýtsiiasyna qaishylyǵyna qaramastan, prezidenttik qyzmetke kelgenin synaǵan edim. Endi men sonym durys bolmaǵanyn túsindim. Onyń prezident retinde jasaǵan kóptegen isteri, atap aitqanda ábden umytylǵan halyqqa bet buryp, olarǵa qulaq asqany, meniń kóńilimnen shyqty. Qazir Ózbekstan halqy Mirziiaevten úlken ózgerister kútedi, men de halyqtyń bir ókili retinde, prezidentten jaqsy is kútemin, - dedi Muhammad Salih.
https://youtu.be/QQL5njm3qUY
Buǵan qosa, ózbek oppozitsiiasynyń eń bedeldi ókili prezident Mirziiaevti elde saiasi jáne ekonomikalyq reforma jasaýǵa shaqyrdy.
– Elde Mirziiaevtiń ekonomikalyq reformalar jasaýyna kedergi keltiretin qýatty toptar bar. Biraq prezidenttiń artynda tutas bir memlekettiń kúshi tur. Ol batyl bolyp, memleketti tunshyqtyrǵan mafiiadan arylýy tiis. Oǵan uzaq ýaqyt qajet emes, ózgeristi birden bastaý kerek, – dedi Salih.
Eske salaiyq, 1991 jyldyń jeltoqsanynda Ózbekstan Joǵarǵy Keńesiniń depýtaty, "Erk" partiiasynyń negizin qalaýshy Muhammad Salih prezidenttik sailaýda Islam Kárimovtiń jalǵyz qarsylasy boldy. 1992 jyly maýsymda Salih eldegi qýǵyndaýlarǵa narazylyq retinde depýtattyq mandattan bas tartty. 1993 jyly sáýirde "memlekettik satqyndyq" aiybymen ustaldy, biraq álemdik qaýymdastyqtyń qysymymen bostandyqqa shyqty. Oǵan Tashkentten shyǵýǵa ruqsat berilmedi. Biraq ol Túrkiiaǵa qashyp ketti. Sodan beri ol Stambulda turyp jatyr.
