Antyna adal, joǵary bilikti neirohirýrg-dáriger Traisov Bekejan Qalasuly
Oraldaǵy oblystyq kópbeiindi aýrýhanasynyń neirohirýrgiia bólimshesiniń bilikti neirohirýrgi Traisov Bekejan Qalasulynyń jas ta bolsa densaýlyq saqtaý isinde qol jetkizgen tabystary ushan-teńiz. Oǵan neirohirýrgiia bólimshesine aýyr halde túsken adamdarǵa arasha bolyp, kúndelikti jasap jatqan kúrdeli otalary dálel.
Gippokrat antyna adal, biliktiligin shetelderde jetildirip kelgen Bekejan Qalasuly jańa tehnologiiany igerýi arqasynda kóptegen adamdardyń ómirine arasha bolyp, óte kúrdeli operatsiia jasap, on myńdaǵan halyqtyń alǵysyn arqalap keledi. Halyqtyń daýys berýi arqyly ótetin baiqaýlarda «Adam ómirine arasha bolyp, sátti ota jasaǵany úshin» atalymyna Bekejan Traisov birneshe ret ie bolǵan-dy.
B.Traisov túngi kezekshilikpen qatar kelgen shuǵyl operatsiialarǵa qatysyp, ertesinde ádettegi jumysyn joǵary kóńilmen jalǵastyratynyna talai kýá boldyq. Sharshap turǵanyn sezdirmesten, kúlimsirep naýqastardyń jaǵdaiyn surap, óz kásibine degen jaýapkershiligin, antyna degen adaldyǵyn isimen dáleldep keledi. Alǵys arqalaǵan abzal jan Bekejan Qalasuly adamdardyń bárine kómek qolyn sozyp, janyn qoiarǵa jer taptyrmai azaptaǵan aýrýynan aiyqtyryp, aq halatty perishtedei kóz aldynda kólbeńdei júrip, janyna daýa, tánine shipa bolardai em berip, sóziniń táttisimen, kóziniń jaqsysymen naýqastyń kóńilin kóterip, ómirge degen qulshynysyn arttyryp, erteli-kesh erinbei, el úshin eńbek etip, halyqtyń alǵys-saýabyn arqalaǵan aq halatty abzal jan.
Sarbazdy ajaldan arashalap qalǵan
2012 jyly Oral qalasyndaǵy áskeri bólimde óziniń basynan ózi avtomat qarýynan atqan sarbazdy oblystyq klinikalyq aýrýhanaǵa óte aýyr jaǵdaida jetkizedi. Sol kúni kezekshilikte bolǵan B.Traisov sarbazǵa shuǵyl túrde óte kúrdeli otany birneshe saǵat jasap, joǵary kásibi sheberligi arqasynda múmkin emes jaǵdaidy, múmkin ete otyryp, sarbazdy ajaldan alyp qalady. Biraq Bekejan eshqashan muny erlik dep sezinbeidi. Adamdardyń densaýlyǵy men jeke ómiri úshin kúresý, kúndelikti jumysy jáne ant aldyndaǵy kásibi tól mindeti dep esepteidi.
Moiyn omyrtqamnyń synǵanyn alǵash Bekejan aitqan-dy
Tarazda issaparda júrgende jol apatyna túsip, 25 kún boiy Taraz qalalyq 2-emhanasynyń neirohirýrgiia bólimshesinde jatqanymda neirohirýrg dárigerleri eshqandai synyq joq degen bolatyn. Taraz dárigerleriniń sózderine senip 3 ai boiy moiyn omyrtqamnyń synyǵymen qinalyp júrdim. Qatty aýyryp, ábden qinalǵasyn Oralǵa kelgen boida neirohirýrg B.Q. Traisovqa qaraldym. Dáriger MRT, KTA kórsetkishine qarap, moiyn omyrtqamnyń synǵanyn jáne shuǵyl operatsiia jasaý qajettigi týraly dárigerlik keńes berip edi. Keiin Astanadaǵy Ulttyq neirohirýrgiia ortalyǵynyń neirohirýrg-dárigerleri men professorlary B.Traisovtyń qoiǵan diagnozyn naqtylady.
Bekejanǵa alǵys bildiremiz!
Otadan keiin densaýlyǵymdy tikelei qadaǵalaýy arqasynda Allaǵa shúkir, densaýlyǵym qalypqa keldi. Antyna berik neirohirýrg B.Q.Traisovqa otbasymnyń, týmalarym men dostarymnyń jáne janashyr adamdar atynan raqmet aityp, alǵysymdy bildiremin!
