"Aýyspaly kezeńde bolmai qoimaityn áleýmettik jiktelister men múdde alýandyǵy qoǵamdy jik-jikke bólgendikten qoǵamymyzda kem-ketikter shash etekten.
Úkimet tarapynan júrgizilip jatqan ekonomikalyq-áleýmettik is-sharalar buqara halyqtyń ál-aýqatyn kóterýge áli de bolsa jetpei jatyr.
Osy kezge deiin jemqorlyq degen jalmaýyzdy aýyzdyqtaý múmkin bolmai tur. Jemqorlyq indeti qoǵamnyń barlyq salasyn jailap aldy.
Qarapaiym halyqtyń da ashý yzasyn týdyratyn osy ádiletsizdik. Sondyqtan da Úkimetti, parlamentti jalpy bilik ataýlyny qatty synǵa alý beleń alýda. Bul zańdy da.
Bir jaǵynan uzaq jyldar Totalitarizm tabanynda janshylǵan qoǵamdyq sana arǵy- bergidegi bar joǵaltqanyna birden jetkisi kelip kóptegen talaptar qoiýda. Tolassyz aǵylyp jatqan daqpyrtqa sengen, dańǵazalyqqa jelpingen toptar kóbeiýde.
Bir anyǵy sońǵy ýaqytta qoǵam múldem ózgerdi. Keńestik idelogiiadan ada, saýatty, ulttyq qundylyqtardy boiyna sińirgen jańa urpaq bilikke kóptep kelýi kerek. Aǵa urpaqtyń bilik sabaqtastyǵyn jańa býynǵa beretin de ýaqyty jetti dep oilaimyn.
Eń bastysy Memlekettigimizdi, táýelsizdigimizdi shaiyp jiberetin kúshterge jol bermeý qazaq ultynyń basty mindeti ekenin únemi este ustaýymyz kerek", – deidi senator.
