Munda 2000- nan astam professor, doktor, ǵylym kondidaty, filosofiia doktorlary men júzden astam akademiialardyń akademikteri eńbek etedi.
Ýniversitet ujymy urpaq tárbiesinde ólsheýsiz úles qosyp keledi. 2009 jyly ál- Farabi atyndaǵy Qazaq Ulttyq ýniversiteti “Taims” joǵarǵy oqý oryndarynyń tizimine endi. “Bes juldyz” marapatyna ie bolǵan Orta Aziia aimaǵyndaǵy alǵashqy jalǵyz oqý orny.
Bilikti maman bolý úshin sizder jastarǵa bilimmen qosa tálim tárbie beresizder. Úlken ómirge qadam baspas buryn jastardyń boiyna izgilik pen adamgershilik, izdenimpazdyq pen eńbekqorlyq qasietterdi sińirýge eńbek etesizder. Bul úlken qajyrlyqty, tynymsyz eńbek pen shydamdy qajet etedi. Búgingi jastar óte belsendi, daryndy, qabiletti ári jan- jaqty. Únemi izdenis ústinde júredi. Damýdyń dańǵyl jolynda tek alǵa umtylýdy kózdeidi. Mine osyndai jigerli, janarynda ot bar jastardy qoldaýda, olardy qanattandyrýda ustazdyq róli erekshe. Sizder sol jastarymyzdyń ómirden óz ornyn taýyp kirpish bop qalanýda eseli eńbek etip kelesizder.
“Adamnyń adamshylyǵy jaqsy ustazdan”, - degen Abai atamyz. “Muǵalim- máńgi nurdyń qyzmetshisi, ol barlyq oi men qimyl árekettiń, aqyldyń dánin sebetin, nur qiiatyn jalyn iesi”, - dep Cheh pedagogi Ia.Kamenskii aitqandai bilim berý júiesinde jasalyp jatqan innovatsiialyq ózgerister baǵdarlamasyndaǵy qundylyqtar men daǵdylardy ózara yqpaldastyra, jas túlekter boiyna daryta otyryp, bilim men tárbieni ushtastyra boiǵa sińirý úshin professor, oqytýshylar quramy aianbai ter tógýde.
Ustaz - tula boiy tunǵan ónege, aq tileýli ana tárizdi barlyq shákirtteriniń boiynan tek jaqsylyq izdeitin izgi niet iesi.
Kún sanap aqparat keńistigi órkendei túsken zaman sondyqtan da sapaly bilim berý jolynda ujymnyń bir jaǵadan bas, bir jeńnen qol shyǵaryp jumys isteýin talap etedi.
Jastardyń jan- jaqty bolýy úshin elimizdegi bilim berý mekemeleri suranysqa sai bolýy qajet. Kim bolsa da, qandai maman iesi bolsa da, óz isin súiip, jaýapkershilikpen qarap qyzmet atqarsa, nátijege jeteri anyq. Bilim salasynda jetilý men keńeiý, bilimdar men daǵdylardy meńgerý arqyly belgili mindetterdi sheshe bilip, alǵa umtylýy qajet.
Barshamyzdy jigerlendirip, uly sheshimniń bastamasy ózine degen senimdilikte ekenin uqtyra bilgen ustazdar quramy áli de san urpaqty tárbieleýde, bilikti de, bilimdi mamandar daiyndaýda óz úlesterin qosa beredi degen kámil senimdemiz. El bolashaǵy bilimniń saltanat qurýynda ekendigin jalaý etip kóterip júrgen ál-Farabi atyndaǵy Qazaq ulttyq ýniversitetiniń zań fakýltetiniń ustazdar ujymyn altyn besigimiz – ýniversitetimizdiń torqaly toiy qarsańynda eńbekterińiz janyp, qajyr-qairattaryńyz muqalmai, abyroilaryńyz asqaq, mereilerińiz ústem bolsyn degimiz keledi.
Malikova Sh.B.
Ál-Farabi atyndaǵy QazUÝ zań fakýltetiniń
qylmystyq quqyq, qylmystyq is júrgizý jáne
kriminalistika kafedrasy qaýymdastyrylǵan professory, z.ǵ.k.
Izbasova A.B.
Ál-Farabi atyndaǵy QazUÝ zań fakýltetiniń
qylmystyq quqyq, qylmystyq is júrgizý jáne
kriminalistika kafedrasy, PhD doktory
