Qazaqstan qor birjasyndaǵy saýda-sattyqtyń ortasha kúndik kólemi bir aida 227 mln AQSh dollarynan 237 mln AQSh dollaryna deiin ulǵaiǵany, saýda-sattyqtyń jalpy kólemi 4,7 mlrd AQSh dollardy quraǵany da naqtylanady.
Ulttyq Bank aqpanda valiýtalyq interventsiialar júrgizgen joq.
"Kvazimemlekettik sektor sýbektilerinde valiýtalyq túsimniń bir bóligin mindetti satý jóninde norma engiziletinin eskere kele, Ulttyq Bank osy aqparatty jariialaýdy qaita qolǵa alady. Osy norma aiasynda ótken aidyń qorytyndysy boiynsha kvazimemlekettik sektor sýbektileriniń valiýtalyq túsimdi satý kólemi shamamen 274 mln AQSh dollaryna para-par boldy", delingen Ulttyq Banktiń baspasóz qyzmeti taratqan habarlamada.
Ótken jyly BJZQ zeinetaqy aktivteriniń valiýtalyq úlesi kezeń-kezeńimen 40%-ǵa deiin jetkizildi. BJZQ zeinetaqy aktivteriniń kiristiligin sheteldik naryqtarǵa investitsiialaý arqyly ártaraptandyrý jáne arttyrý maqsatynda Ulttyq Bank valiýtalyq úlesti shamamen 40% deńgeiinde qoldaýdy josparlap otyr.
Teńge baǵamynyń nyǵaiýyna, sondai-aq zeinetaqy jarnalarynyń túsýine bailanysty BJZQ zeinetaqy aktivteriniń aǵymdaǵy valiýtalyq úlesi 40%-dan tómen deńgeige deiin tómendedi.
"Osyǵan bailanysty Ulttyq Bank BJZQ zeinetaqy aktivteriniń portfeline AQSh dollaryn satyp alýdy qaita bastaidy. Naýryzda satyp alýǵa qatysty josparly kólem 250 mln AQSh dollarynan aspaidy. Valiýtany satyp alý naryqtyq koniýnktýraǵa bailanysty júzege asyrylady", - deidi Ulttyq Banktiń baspasóz qyzmeti.
Ulttyq Bank BJZQ zeinetaqy aktivterin senimgerlik basqarýshy retinde uzaqmerzimdi kezeńde naqty kiristilikti alýdy jáne onyń saqtalýyn qamtamasyz etýdi basty nazarda ustaitynyn aita ketken jón.
Buǵan deiin Qazaqstanda zeinetaqy jinaǵyn "annýitetke" shyǵaryp alýshylar sany artqanyn jazǵanbyz. Sondai-aq Konstitýtsiialyq sot zeĭnetaqy annýitetteri týraly zańnamany naqtylaýdy usynǵany habarlanǵan. Qańtarda BJZQ shyǵynǵa ushyrap, qazaqstandyqtardyń shotyndaǵy aqsha kúrt azaiǵany da aityldy.
