"Gýmanitarlyq salada berik bailanys ornatpaiynsha, ekonomikalyq integratsiiadan qaiyr bolmaidy. Aldymen bilim-ǵylym salasynda odaqtasyp alýǵa tiispiz. Sonda ǵana ekonomikalyq keńistikti ári qarai damytý týraly oilanýǵa bolady. Eýraziia odaǵy áriptestiktiń jańa satysyna ótýi kerek", – deidi Iskakov.
Iskakov bul jospar odaqtastar qabyldaǵan Strategiia-2025 baǵdarlamasy aiasynda naqty júzege asaryna senimdi.
"Bilim salasynda ortaq aqparattyq júie ne bolmasa aqparattyq portal qurylýy múmkin. Ásirese joǵary bilim berýde tonnyń ishki baýyndai qiiýlassaq qatyp keter edi. Ýniversitter odaq múddesine jumys istep, odaq ǵumyryn uzartar kadrler ázirlese utylmaimyz ", – deidi rektor.
Iskakov "eýraziiashyl" kadrlar daiyndaýǵa kúni buryn kóship alǵan eken.
"Bizdiń ýniverde "Integratsiialyq quqyq", "Eýraziialyq odaq quqyǵy", "Eýraziialyq odaqtyń keden salasyndaǵy quqyǵy" sekildi pánder bar. Jýyr arada jańa zaman ornaidy. Odaq jumysynyń oi-shuńqyryn jaqsy biletin mamandarǵa muhtaj bolamyz. Jastarǵa eýraziialyq odaqtyń qundylyqtaryn dáripteitin bilim baǵdarlamasy qajet-aq", – deidi ol.
Budan buryn Dalanews.kz "Óskemendi orys qalasy" degen sarapshynyń suhbatyn oqyrman nazaryna usynǵan.
Saiasattanýshy Anton Bredihinniń aitýynsha qazaq degen ult joq.
"Qazaqtyń qazaq bolǵany Keńes úkimetiniń tusynda ǵana. Oǵan deiin bulardy kirgiz-kaisak nemese jái ánsheiin kirgiz dep atap keldi.
Bularda ortaq identtilik, etnikalyq tutastyq atymen joq. Bútin bir ultqa baǵdar bolarlyq birtutas dini qaýymdastyq qalyptaspaǵan. Salaqulash jatqan ala-qula qoǵam", – degen edi ol.
Buǵan qarsy Aqparat ministrligi tarapynan qandai shara qoldanylǵany belgisiz.
Sait tilshisi propagandamen ainalysyp otyrǵan birqatar reseilik aqparat quraldaryn bloktaý týraly másele kótergen bolatyn.
