Blok-bekettegi oiran. Kýáger sol kúni ne bolǵanyn aityp berdi
Jaraqat alǵan politsiia qyzmetkeriniń esimi - Erbolan Seidázim. Ol - 26 jasta. Apat bolǵan kezde ol jol boiynda planshetpen turǵan. Oǵan Azamatov soqqan beton qorshaýdyń qirandysy tigen. Seidázim aýyr jaraqat aldy. Ol jansaqtaý bóliminde boldy, neirohirýrgtar oǵan ota jasady, maýsym aiynda ol aýrýhanadan shyqty. Ol sońǵy sot otyrysyna qatysqan joq. Búgin sotta politsiia qyzmetkeri qaiǵyly oqiǵa bolǵan kúni ne bolǵanyn aityp berdi.
- 18 naýryzdan bastap sol jol apaty oryn alǵanǵa deiin ýaqyt aralaǵynda men sol blok-bekette jumys istedim. 24-i kúni óz jumysyma kiristim. Apat tańǵy saǵat 5-te boldy. Apattan birneshe minýt buryn planshetti alý úshin stansaǵa bas suqtym, ony jol politsiiasy qyzmetkerlerine tabystaýym kerek bolǵan. Men kólikke jaqyndaǵan sátte apat boldy. Birneshe kúnnen keiin kózimdi ashqanda ǵana ol kezde ne bolyp, ne qoiǵanyn bir-aq túsindim, maǵan betonnyń bir qirandysy kelip tigen sekildi, - dep eske aldy jábirlenýshi ótken kúndi.
Politsiia qyzmetkeriniń beton bólsheginiń ózine qalai kelip tigeni esinde joq.
Ol marqum bolǵan politsiia qyzmetkerlerimen de jáne Azamatovpen de jaqyn tanys bolmaǵanyn aitty.
Er adam bir ai aýrýhanada jatty. Jumysqa áli shyqpaǵan.
- Jumysqa shyǵýǵa daiynsyz ba? - dep surady advokat.
- Daiynmyn, solai sekildi - dep jaýap berdi Seidázim.
- Moraldyq shyǵyn ótetý úshin sotqa júginesiz be degen suraqqa politsiia qyzmetkeri:
Men emdeýdi jalǵastyrýym kerek, oilanamyn, - dep jaýap berdi.
Odan soń sot aldyna qaiǵyly oqiǵa bolǵan jerde turatyn kýáger keldi. Ol syrttan kómekke shaqyrǵan daýystardy estip, solai qarai asyqqanyn aitty.
"Esikti ash, aýzyńdy jap, ne istediń, adam óldi" degendi estidim. "Men emespin" dedi bireýi (qazaqsha - red.) Olar oǵan urysqan joq, jaqsy sóilesti. Sodan soń ony alyp ketti, nege shulyq pen shortyda júr dep oiladym. Ústinde tek shorty men shulyq boldy. Olar ony tamaq ishetin jerge alyp bardy. Joq, bolǵan joq (politsiia formasy - red.). Men de tań qaldym, olar onymen ana jaqta agressivti sóilesti de, mynda kelgen soń jyly-jyly sóilesti. Al ol bolsa, balaǵattap jatty ǵoi deimin", - dedi ol.
Onyń aitýynsha, jedel járdem 40 minýttai bolmaǵan.
25 mamyrda Almaty oblysynyń Qarasai aýdanynda mas júrgizýshi óz kóligimen blok-beketke qoiyp ketken. Aldymen ol beton qorshaýǵa soǵylyp, sonyń inertsiiasymen ishinde eki politsiia qyzmetkeri otyrǵan jol patrýldik politsiia kóligin soǵady. Tártip saqshylarynyń ekeýi de qaitys boldy, al syrttaǵy úshinshisi aýrýhanaǵa tústi. Ol kóp ýaqyt komada jatty. Oǵan ota jasaldy.
BMW júrgizýshisi Azat Azamatov burynǵy politsiia qyzmetkeri bolyp shyqty.
