بلوك-بەكەتتەگٸ ويران. كۋەگەر سول كٷنٸ نە بولعانىن ايتىپ بەردٸ
جاراقات العان پوليتسييا قىزمەتكەرٸنٸڭ ەسٸمٸ - ەربولان سەيدەزٸم. ول - 26 جاستا. اپات بولعان كەزدە ول جول بويىندا پلانشەتپەن تۇرعان. وعان ازاماتوۆ سوققان بەتون قورشاۋدىڭ قيراندىسى تيگەن. سەيدەزٸم اۋىر جاراقات الدى. ول جانساقتاۋ بٶلٸمٸندە بولدى, نەيروحيرۋرگتار وعان وتا جاسادى, ماۋسىم ايىندا ول اۋرۋحانادان شىقتى. ول سوڭعى سوت وتىرىسىنا قاتىسقان جوق. بٷگٸن سوتتا پوليتسييا قىزمەتكەرٸ قايعىلى وقيعا بولعان كٷنٸ نە بولعانىن ايتىپ بەردٸ.
- 18 ناۋرىزدان باستاپ سول جول اپاتى ورىن العانعا دەيٸن ۋاقىت ارالاعىندا مەن سول بلوك-بەكەتتە جۇمىس ٸستەدٸم. 24-ٸ كٷنٸ ٶز جۇمىسىما كٸرٸستٸم. اپات تاڭعى ساعات 5-تە بولدى. اپاتتان بٸرنەشە مينۋت بۇرىن پلانشەتتٸ الۋ ٷشٸن ستانساعا باس سۇقتىم, ونى جول پوليتسيياسى قىزمەتكەرلەرٸنە تابىستاۋىم كەرەك بولعان. مەن كٶلٸككە جاقىنداعان سەتتە اپات بولدى. بٸرنەشە كٷننەن كەيٸن كٶزٸمدٸ اشقاندا عانا ول كەزدە نە بولىپ, نە قويعانىن بٸر-اق تٷسٸندٸم, ماعان بەتوننىڭ بٸر قيراندىسى كەلٸپ تيگەن سەكٸلدٸ, - دەپ ەسكە الدى جەبٸرلەنۋشٸ ٶتكەن كٷندٸ.
پوليتسييا قىزمەتكەرٸنٸڭ بەتون بٶلشەگٸنٸڭ ٶزٸنە قالاي كەلٸپ تيگەنٸ ەسٸندە جوق.
ول مارقۇم بولعان پوليتسييا قىزمەتكەرلەرٸمەن دە جەنە ازاماتوۆپەن دە جاقىن تانىس بولماعانىن ايتتى.
ەر ادام بٸر اي اۋرۋحانادا جاتتى. جۇمىسقا ەلٸ شىقپاعان.
- جۇمىسقا شىعۋعا دايىنسىز با? - دەپ سۇرادى ادۆوكات.
- دايىنمىن, سولاي سەكٸلدٸ - دەپ جاۋاپ بەردٸ سەيدەزٸم.
- مورالدىق شىعىن ٶتەتۋ ٷشٸن سوتقا جٷگٸنەسٸز بە دەگەن سۇراققا پوليتسييا قىزمەتكەرٸ:
مەن ەمدەۋدٸ جالعاستىرۋىم كەرەك, ويلانامىن, - دەپ جاۋاپ بەردٸ.
ودان سوڭ سوت الدىنا قايعىلى وقيعا بولعان جەردە تۇراتىن كۋەگەر كەلدٸ. ول سىرتتان كٶمەككە شاقىرعان داۋىستاردى ەستٸپ, سولاي قاراي اسىققانىن ايتتى.
"ەسٸكتٸ اش, اۋزىڭدى جاپ, نە ٸستەدٸڭ, ادام ٶلدٸ" دەگەندٸ ەستٸدٸم. "مەن ەمەسپٸن" دەدٸ بٸرەۋٸ (قازاقشا - رەد.) ولار وعان ۇرىسقان جوق, جاقسى سٶيلەستٸ. سودان سوڭ ونى الىپ كەتتٸ, نەگە شۇلىق پەن شورتىدا جٷر دەپ ويلادىم. ٷستٸندە تەك شورتى مەن شۇلىق بولدى. ولار ونى تاماق ٸشەتٸن جەرگە الىپ باردى. جوق, بولعان جوق (پوليتسييا فورماسى - رەد.). مەن دە تاڭ قالدىم, ولار ونىمەن انا جاقتا اگرەسسيۆتٸ سٶيلەستٸ دە, مىندا كەلگەن سوڭ جىلى-جىلى سٶيلەستٸ. ال ول بولسا, بالاعاتتاپ جاتتى عوي دەيمٸن", - دەدٸ ول.
ونىڭ ايتۋىنشا, جەدەل جەردەم 40 مينۋتتاي بولماعان.
25 مامىردا الماتى وبلىسىنىڭ قاراساي اۋدانىندا ماس جٷرگٸزۋشٸ ٶز كٶلٸگٸمەن بلوك-بەكەتكە قويىپ كەتكەن. الدىمەن ول بەتون قورشاۋعا سوعىلىپ, سونىڭ ينەرتسيياسىمەن ٸشٸندە ەكٸ پوليتسييا قىزمەتكەرٸ وتىرعان جول پاترۋلدٸك پوليتسييا كٶلٸگٸن سوعادى. تەرتٸپ ساقشىلارىنىڭ ەكەۋٸ دە قايتىس بولدى, ال سىرتتاعى ٷشٸنشٸسٸ اۋرۋحاناعا تٷستٸ. ول كٶپ ۋاقىت كومادا جاتتى. وعان وتا جاسالدى.
BMW جٷرگٸزۋشٸسٸ ازات ازاماتوۆ بۇرىنعى پوليتسييا قىزمەتكەرٸ بولىپ شىقتى.
