Turmystyq qaldyqtardy óńdeýde Túrkistan Astananyń tájiribesin basshylyqqa alady
Búginde plastik qutylar shirý úshin 500 jyl kerek, al shyny materialdarynyń «ǵumyry» myń jyldan asady. Topyraqqa ońailyqpen sińe qoimaityn materialdardy terip alyp, qaita óńdeý álemdik tájiribede keń kólemde qoldanylyp keledi.
Ekinshiden, qatty qaldyqtardy qaita óńdeý arqyly qoqys poligonyna túsetin salmaqty azaitýǵa bolady. Iaǵni, qoqystyń bir bóligi qaita óńdeýge ketkendikten, qaldyqtardy kómý protsesi jeńildeidi. Poligondy paidalaný merzimi uzarady.
Qaldyqtardy terý, olardy suryptaý qosymsha jumys ornyn ashýǵa múmkindik beredi. Biýdjetke túsetin qosymsha salyǵy taǵy bar. Iaǵni qoqys óńdeý zaýytynyń ekonomika úshin tiimdi ekendigi aitpasa da belgili.
Búginde polietilen ónimderinen jip iirilip, kilem fabrikalarynda jii paidalanylady. Turmysta qoldanylatyn himiialyq zattardyń qutylary jasalady.
Ókinishke qarai, bizde ol jaǵy ázirge kenjelep tur. Sondyqtan suryptalǵan qatty qaldyqtar qazir kórshiles Ózbekstanǵa jóneltiledi. Eń bastysy, elimizde qoqys óńdeý Astanada jaqsy damyp keledi. Elorda tamaq qaldyqtaryn da óńdeýge kóshti. Qoqys poligonyndaǵy qaldyqtyń 80 paiyzyn kádege jaratady.
Osy tájiribe Almaty, Shymkent, Túrkistan qalalarynda engizilip jatyr. Óńir basshysy Janseiit Túimebaevtyń Túrkistan qalasynda qoqys óńdeý zaýytyn salý týraly bastamasy jańa oblys ortalyǵy úshin óte mańyzdy. Oǵan memleket qoldaý kórsetýde. Turmystyq qaldyqtardy terip, óńdegeni úshin sýbsidiia tólenedi. «Damý» qory arqyly jeńildetilgen nesie alýǵa múmkindik bar. Demek, úkimet Túrkistandy túletýde Astananyń tájiribesin qoldaný qajet ekenin bildirdi.
