Alty jyl buryn jańa Túrkistan oblysy quryldy. Búginde Túrkistan tek oblys ortalyǵy retinde ǵana emes, túrki áleminiń rýhani mádeni ortalyǵy bolyp qalyptasty. Búgin óńir basshysy Darhan Satybaldy 30 tamyz – Konstitýtsiia kúnine arnalǵan saltanatty sharada óńirdiń birqatar jetistikterine toqtaldy, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Qasietti qalada túrli nysandar boi kóterip, infraqurylymy qalyptasqan jańa sáýletti shaharǵa ainaldy. Biyl Túrkistan qalasy túrki áleminiń týristik astanasy bolyp jariialandy. Kieli qalaǵa Memleket basshysynyń tapsyrmasymen erekshe mártebe berý týraly zań jobasy Parlament Májilisinde qaralýda. Aldaǵy ýaqytta bul qujat óńirdiń damýyna airyqsha serpin bermek. Túrkistan óńiriniń áleýmettik-ekonomikalyq damýy da qarqyndy júrýde.
Oblys ekonomikasynyń basty kórsetkishi jalpy óńirlik ónim kólemi biylǵy 7 aida 2,9 trln teńgege jetken. Aýqymdy óndiris oryndaryn qalyptastyrýǵa energetika tapshylyǵyn sheshý úshin mańyzdy jobalar júzege asyrylýda. Sairamda 1 000 MVt stantsiiasynyń qurylysy júrgizilip jatyr. Túlkibasta 320 MVt, Kentaýda 240 MVt gaz týrbina stantsiialary, Saýranda 300 MVt kún elektr stantsiiasynyń jobalaý-smetalyq qujattamalary ázirlenýde. Jańa ónerkásip kózderin ashýǵa qajetti elektr qýatymen qamtamasyz etedi. Elektr energiia baǵasy 47 teńgeden 25 teńgege túsirildi.
Ónerkásip ónim kólemi biyl 7 aida 6,6 paiyzǵa artyp otyr. Saýran aýdanynda 100 gektar aýmaqta shaǵyn ónerkásiptik park jobasy júzege asyrylýda. Bul jerde 160 óndiristik ǵimarat salynyp, 100 astam investitsiialyq joba iske qosylady. Nátijesinde 5 000 jýyq jańa jumys orny ashylady. Búgingi tańda park aýmaǵynda jihaz fabrikasy iske qosyldy, jańbyrlatyp sýǵarý qondyrǵylary óndirisi ashyldy, sýsyn, muzdatqysh jáne qurylys zattaryn shyǵaratyn zaýyttar qoldanysqa berildi.
Basqa indýstriialdy aimaqtarymyzda alliýminiým, taý-ken metallýrgiia, qurylys materialdary, jihaz jáne sýsyndar óndirý zaýyttary aldaǵy ýaqytta ashylady. Jalpy 87 joba iske asyrylýda. Óndiristi damytý baǵytynda aýqymdy jumystar áli de jalǵasady. Oblys ekonomikasyna investitsiia tartý ótken jyldyń tiisti kezeńimen salystyrǵanda 1,2 esege artty.
Ekonomikanyń damýyna tyń serpin beretin jalpy quny 145 investitsiialyq joba pýly qalyptastyryldy. Biylǵy 7 aida 25 joba iske qosylyp, 866 jumys orny ashyldy. Óńir ekonomikasynyń mańyzdy salasy aýyl sharýashylyǵynda ónim kólemi artty. Osyǵan sáikes, óndirilgen ónim kólemi boiynsha oblys respýblikada eń joǵarǵy kórsetkishke ie boldy.
Búkil dúnie júzinde jyl saiyn aǵyn sý tapshylyǵy artyp keledi. Osyǵan orai, sýdy kóp tutynatyn daqyldar alqabyn 10 myń gektarǵa qysqartyldy. Sý únemdeý tehnologiiasynyń qol jetimdiligin arttyrý maqsatynda «Jylyna 1 000 dana jańbyrlatyp sýǵarý mashinalaryn shyǵarý» zaýyty iske qosyldy. Jyl sońyna deiin taǵy «50 myń gektar tamshylatyp sýǵarý óndirisi» qoldanysqa beriledi. «Turan sý» memlekettik kásiporny jylyna 9 myń gektar aýmaqty tamshylatyp sýǵarý júiesi óndirisi iske qosylýda. «Báidibek ata» sý qoimasynyń qurylysy qarqyndy júrgizilýde. Al «Boraldai» sý qoimasynyń qurylysy kelesi jyly bastalady.
Zamanaýi tehnologiia men ozyq tájiribeni qoldana otyryp maqta-toqyma klasterin qurýdy qolǵa aldyq. 200 myń sharshy metr quraityn zaýyt jáne fabrikanyń qurylysy bastaldy. Soltústik Qazaqstan oblysynyń tájiribesin qoldana otyryp, oblysta 3 sút fermasy iske asyrylady. Demografiialyq ósimge bailanysty jyl basynan beri turǵyn úiler paidalanýǵa berilýde. Nátijesinde, kezekte turǵan 5 myńǵa jýyq otbasynyń baspana máselesi sheshiledi.
Óńirde «Aýylda densaýlyq saqtaýdy jańǵyrtý» ulttyq jobasy aiasynda eldi mekenderde 49 nysannyń qurylysy júrgizilýde. Sonymen qatar, qosymsha 3 aýrýhanaǵa kúrdeli jóndeý jumystary atqarylýda. Byltyr ataýly áleýmettik kómek alýshylardyń sanyn 21 paiyzǵa tómendedi. Biyl taǵy da 26 paiyzǵa deiin azaitý josparlanǵan. Nátijesinde, kedeishilik deńgeii tómendeidi dep kútilýde. Óz isin ashýǵa niet bildirgen 1 793 adamǵa qaitarymsyz grant usynylady. 621 jasqa 2,5 paiyzben jeńildetilgen shaǵyn nesie qarastyrylǵan.
Memleket basshysynyń tikelei tapsyrmasymen aýyldyq jerlerdi damytý maqsatynda 2024 jylǵa «Aýyl – El besigi» jobasy aiasynda 181 eldi mekende 211 jobany iske asyrýǵa qarjy bólindi. Joǵaryda atalǵan sharalardyń barlyǵy ekonomikalyq táýelsizdikke qol jetkizýge naqty yqpal etedi.
