Jedel járdem qyzmetkerin soqqyǵa jyqqan Nurbolat Dákebaevqa úkim qashan shyǵatyny belgili boldy, - dep habarlaidy Dalanews.kz.
Búgin Qaraǵandy qalasynda onlain-transliatsiia arqyly Nurbolat Dakebaevqa qatysty qylmystyq is boiynsha kezekti sot otyrysy ótti.
Sottalýshynyń sońǵy sózinen keiin sot keńesý bólmesine ketti.
Úkimniń jariialanýy búgin, 23 tamyzǵa saǵat 17.00-ge belgilendi.
Eske salaiyq, 27 qańtar kúni túnde shaqyrtýmen bir jasar balaǵa kelgen jedel járdem júrgizýshisi men kúdiktiniń arasynda janjal týǵan. Arty tóbeleske ulasyp, jedel járdem qyzmetkeri Tóreǵali Berikqaliuly ońbai taiaq jegen bolatyn. Keiin kúdikti boi tasalap, bir aptadan keiin Qaraǵandy oblysyndaǵy qystaqtardyń birinen tabyldy.
Alǵashynda jábirlenýshi Nurbolat Dákebaevty keshirgenin aitqan. Biraq sotta ol oiynan ainyp, bes million teńge materialdyq shyǵyn talap etti. Onyń ústine qosymsha meditsinalyq saraptamadan ótip, densaýlyǵyna orta deńgede ziian kelgenin rastaǵan. Sondyqtan onyń qorǵaýshylary buzaqylyqqa taǵy bir bap qosýdy surady.
