Atalǵan ortalyq aldaǵy ýaqytta aiaǵy aýyr áielder men kishkentai balalary bar otbasylar úshin ámbebap-ozyq úlgidegi keshendi qyzmet kórsete alatyn patronajdy medbikelerdi daiyndap shyǵaratyn bolady. Ortalyq jyl saiyn myńdaǵan patronajdy medbikelerge, dárigerlerge, áleýmettik qyzmetkerlerge, sondai-aq psihologtarǵa balalardyń tolyqqandy damýy jaily ata-analardy aqparattandyrýǵa qajetti bilimmen qamtamasyz etpek. Negizgi maqsaty – durys bilim beretin mekemelerdi qurý jáne densaýlyq saqtaý júiesine qajetti ana men balanyń densaýlyǵyn qorǵaityn meditsinalyq jáne áleýmettik qyzmetkerlerdiń sany men sapasyn jaqsartýdy qamtamasyz etý.
Sondai-aq, ortalyqtyń ashylýyna orai Túrkistan oblysy ákimdigi men IýNISEF-tiń qazaqstandaǵy ókili arasynda memorandým túzildi. Halyqaralyq uiym ókili Iýrii Oksamitnyimen kezdesken oblys ákimi Ómirzaq Shókeev jańa ortalyqtyń ashylýymen quttyqtady.
– Resýrstyq ortalyqtyń ashylýy bizdiń óńir úshin mańyzdy oqiǵa. Balalardyń densaýlyǵyn jaqsartý – basty nazarda bolýy qajet. Balalardyń densaýlyǵyna barynsha kómek kórsetýde biz qoldan kelgen kómegimizdi aiamaimyz. Jaqyn arada ortalyqtyń jumysy bizdiń óńirdegi aiaǵy aýyr áielder men kishkentai búldirshinderi bar otbasylardyń densaýlyǵy men ál-aýqatyn jaqsartýǵa ońtaily áser etetindigine senimdimin, – dedi Ómirzaq Shókeev.
Óz kezeginde IýNISEF-tiń Qazaqstandaǵy ókili ekijaqty kelisimge rizashylyǵyn bildirip, ortalyqta aldaǵy ýaqytta bilikti mamandar daiarlanatynyn jetkizdi.
Túrkistan oblysy ákiminiń baspasóz qyzmeti
