Túrkistan jastaryn bizneske tartý isi qolǵa alyndy
Bul memorondýmnyń maqsaty Túrkistan oblysynyń ekonomikasyn kóterý jáne de Oqý ordamyzdyń stýdentterin kásipkerlikke baýlý negizgi másele boldy. Júrgizilgen kelissózder nátijesinde forýmdar men konferentsiialar ótkiziletin bolady. Aldaǵy ýaqytta stýdentterimiz «Atameken» kásipkerlik palatasymen bailanysyp erkin túrde bilimderin jetildirmek. Endigi kezekte bilimgerler osy kelissózdiń aiasynda oqyǵan mamandyqtary boiynsha qosymsha kásipkerlikke de biimdelip shyqpaq.
– Elbasy N.Nazarbaev óz Joldaýynda jastardy basty nazarda ustap keledi. Prezident jas býynǵa tehnikalyq mamandyqtardyń ǵylym men innovatsiianyń zamany týǵanyn jáne Kásiptik tehnikalyq bilim investitsiialyq saiasattyń eń mańyzdysy bolyp tabylýy qajettigin alǵa tartyp, 2017 jyldan bastap Úkimetke atalǵan mamandyqtarǵa aqysyz oqý jobasyn ashýdy tapsyrdy. Elimizdiń óndiris salasynda maman tapshylyǵy sezilgendikten, búginde 5,5 myń kásiporyn qajetti qyzmetker tappai, 70 myń jumys orny bos turǵanyn basyp aitqany esimizde, – dedi oqý oryn basshysy.
Qazir elimizde dýaldy oqytýdyń jol kartasy júzege asyp jatyr. Joba aiasynda kásiporyndar men kolledjder arasynda kelisim jasalyp, 16 myń azamat kásibin igerýde. Bul mamandar bolashaqta jumyssyz qalmaidy. Memleket ekonomikany turaqtandyrýdyń negizgi baǵyty retinde kásipkerlikti damytýǵa barynsha qoldaý kórsetip otyr. Ol úshin Ulttyq Kásipkerlik palatasy quryldy. UKP-nyń negizgi qyzmetteri – kásipkerler quqyqtaryn qorǵaý jáne múddelerine ókildik etý, kásipkerler belsendiliginiń, óńirlerdegi kásipkerlik qyzmet jaǵdaiynyń qoǵamdyq monitoringin júrgizý, kásipkerlikti qoldaý jáne damytý memlekettik baǵdarlamalaryna qatysý; otandyq óndiristi qoldaý jáne uiymdardyń satyp alýlarynda jergilikti mazmundaǵy úlesti arttyrý, tehnikalyq jáne kásibi bilim berýdi damytý jáne kadrlardy daiyndaý, qaita daiyndaý, biliktilikti arttyrý, sertifikattaý jáne attestattaý; kásipkerlik sýbektileriniń syrtqy ekonomikalyq qyzmetin yntalandyrý, investitsiialardy tartý jáne ártaraptandyrý baǵytynda jumys istep keledi.
