Túrkistannyń jas ǵalymdary «Scopus Award – 2018» jobasynda top jardy
Naqtylai aitqanda, Qoja Ahmet Iasaýi atyndaǵy halyqaralyq qazaq-túrik ýniversitetiniń «Dene tárbiesi» kafedrasynyń PhD doktorlary Baqytjan Omarov pen Baǵdat Baimuhanbetov úzdik maqalalary úshin «Best Researcher in Humanities» nominatsiiasynyń II ornyn ielendi.
Atalǵan sharaǵa ýniversitet prezidenti Bolatbek Abdrasilov arnaiy shaqyrylyp, oǵan erekshe qurmet kórsetildi. Marapattaý rásimine Qazaqstan Respýblikasynyń Bilim jáne ǵylym vitse-ministri Ashat Aimaǵambetov, «Elsevier» baspa úiiniń basqarýshy direktory Taifýn Bashal, «Scopus» direktory, «Kun van der Krogt» Dúniejúzilik ýniversitetiniń «Times Higher Education» reiting agenttigi RF men TMD elderiniń aimaqtyq direktory Egor Iablokov, «Elsevier Central Asia» kompaniiasynyń aimaqtyq direktory Áliia Ospanova qatysty. Shara barysynda Shyǵys Eýropa men Ortalyq Aziia boiynsha «Quacquarelli Symonds» reiting agenttiginiń aimaqtyq direktory Zoia Zaitseva Londonnan tikelei bailanysqa shyǵyp, júldegerlerdi arnaiy quttyqtady.
