Túrkistan qalasyndaǵy Qazaq-túrik ýnıversıtetiniń jalpy hırýrgıa kafedrasynyń profesory, m.ǵ.d Ý.Jumabaev Qazaqstan Respýblıkasy Bilim jáne ǵylym mınıstrligi Ǵylym komıtetiniń 2015-2017 jyldarǵa arnalǵan ǵylymı jobalardy granttyq qarjylandyrý sheńberinde «Shubattyń (túıe sútiniń) negizinde dárilik syǵyndylarmen úılesken qyshqyldy sút bıopreparatyn alýdyń tehnologıasyn zerttep, óńdeý» atty ǵylymı jobasynyń nátıjesi komersıalandyrý boıynsha konkýrsqa usynyp, grant utyp alǵan bolatyn.

Jalpy túıe sútiniń quramy – sıyr jáne bıe sútteriniń quramyna qaraǵanda aqýyzǵa, dárýmenderge, mıneraldyq zattarǵa óte baı jáne kóptegen aýrýlarda dástúrli em retinde qoldanatyndyǵy dáleldenip, emdik qasıetin arttyrtý maqsatynda tabıǵı dárilik jáne taǵamdyq syǵyndylarmen úılestirilip alynǵan qantty dıabettiń aldyn alýda jáne emdeý maqsatynda qoldaný múmkindigi joǵary.

Osy turǵyda «Arnaıy dıabettik «Inýllakt-Fıto» taǵamdyq ónimi» QR Densaýlyq saqtaý mınıstrliginiń Qoǵamdyq densaýlyq saqtaý komıtetineniń memlekettik tirkeýinen ótip, Belarýs, Qazaqstan jáne Reseı keden odaǵy sheńberinde qoldanýyna ruqsaty berilgen. Bul jetistikter ýnıversıtet ǵalymdarynyń ınovasıalyq baǵyttaǵy ǵylymı eńbekteriniń nátıjesi komersıalandyryla otyryp óndirispen ushtasyp otyrǵandyǵynyń naqty dáleli bolyp tabylady.