– Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda jáne aýdanymyzdyń qurylǵanyna 90 jyl tolýyna oraı, jyl basynan beri túrli mádenı is-sharalarmen qatarǵalym Mekemtas Myrzahmetuly, jazýshy Marhabat Baıǵut syndy ǵalym, jazýshy aǵalarymyzben kezdesý keshteri uıymdastyrylsa, búgin mine asyl azamat, isker basshy jerlesimiz Zaýytbek Qaýysbekulynyń muryndyq bolýymen shet eldegi otandastarymyz jaıly túsirilgen «Alystaǵy aǵaıyn» atty derekti fılmin tamashalap otyrmyz. Osy oraıda aıta ketetin jaıt Zaýytbek Qaýysbekulynyń atsalysýymen Tashkent qalasynda Tóle bı babamyzdyń eskertkishi qaıta jóndelse, Máskeýde jerlesimiz Turar Rysqulovtyń eskertkish taqtasy ashylǵan bolatyn, – dedi Nurbol Ábdisattaruly. Zaýytbek Qaýysbekulyna aýdanǵa arnaıy kelip, turǵyndarmen kezdesýge altyn ýaqytyn bólgeni úshin alǵysyn bildirip, Túlkibas aýdanynyń 90 jyldyq tósbelgisin tabystady.
Sonymen qatar kezdesý barysynda Zaýytbek Qaýysbekulynyń uıytqy bolýymen túsirilgen «Alystaǵy aǵaıyn» atty qıyn qystaý zamanda Túrkıa eline qonys aýdarǵan qazaq aǵaıyndar týraly derekti fılminiń tusaýkeseri ótti. Osy maqsatty búgingi kórsetilip otyrǵan derekti fılm kezinde qazaq halqy úshin óte náýbat jyldar bolǵan ıaǵnı asharshylyq kezinde tarydaı shashyraǵan qazaq halqynyń taǵdyr taýqymeti baıandalady. Bolashaq urpaǵynyń amandyǵy úshin bas saýǵalaǵan qazaq halqy kórshiles Qytaı, Túrkıa, Úndistan, Aýǵanstan, Pákistan taǵy basqa da memleketterge qonys aýdardy. Búgingi derekti fılmde beınelegen keıipkerimiz alǵashqy kezde Qytaı jáne Úndistan elinde bolyp, túrli qıyndyqtardy basynan keshedi. Kósh kezinde kórshi memleketterde asharshylyqqa, sýyqqa tóze almaǵan otandastarymyzdyń biri jol boıynda qaza tapsa, biri kórshi memlekette dúnıe salǵany baıandalady. Alaıda tili bólek bolǵanmen júregi bir, túbi bir Túrkıa eli qushaq jaıa qarsy alyp, fılmde kóp kómekter kórsetilgeni aıtylady. Búginde Túrkıa elinde 20 myńǵa jýyq qazaqtar ómir súrýde.
Kezdesý sońynda sóz alǵan Zaýytbek Qaýysbekuly týyp ósken ólkesine kelip, jerlesterimen kezdesip aıryqsha qýanyshqa bólengenin jetkizip, dúnıejúzi qazaqtar qaýymdastyǵynyń atqaryp jatqan jumystaryna toqtalyp ótti. Elbasynyń «Bolashaqqa baǵdar: rýhanı jańǵyrý» baǵdarlamalyq maqalasynyń aıasynda shet elderge qonys aýdarǵan aǵaıyndarmen tyǵyz baılynysta júrgizilip jatqan jumystardy aıtty. Kezdesýge kelgen aýdan turǵyndary Zaýytbek Qaýysbekulynyń qyzmet barysynda júrgizgen tarıhı zertteýlerin zeıin qoıyp tyndap, óz taraptarynan ystyq lebizderin bildirdi.
Baqytjan IMANBAEV