Prezident Qasym-Jomart Toqaev jańadan qurylǵan kassatsiialyq sottardyń tóraǵalary men sýdialaryn taǵaiyndady, dep habarlaidy Dalanews.kz.
1 shildeden bastap Astanada qylmystyq, azamattyq jáne ákimshilik ister boiynsha úsh kassatsiialyq sot jumysyn bastady.
Jańa sottar elordada ornalasqan. Buǵan deiin kassatsiialyq satynyń fýnktsiialaryn Joǵarǵy sot júzege asyryp keldi.
Memleket basshysynyń jarlyǵymen:
- Azamattyq ister jónindegi kassatsiialyq sot tóraǵasy - Smaiylov Asqar Spartakuly jáne 37 sýdia;
- Qylmystyq ister jónindegi kassatsiialyq sot tóraǵasy - Jumaǵulov Aqan Maratuly jáne 20 sýdia;
- Ákimshilik ister jónindegi kassatsiialyq sot tóraǵasy - Nájimidenov Berik Tóleýtaiuly jáne 18 sýdia taǵaiyndaldy.
Sot ákimshiligi basshysynyń ókimimen kassatsiialyq sottar departamentiniń basshysy bolyp Erjan Qojahmetov taǵaiyndaldy.
