پرەزيدەنت قاسىم-جومارت توقايەۆ جاڭادان قۇرىلعان كاسساسيالىق سوتتاردىڭ ءتوراعالارى مەن سۋديالارىن تاعايىندادى، دەپ حابارلايدى Dalanews.kz.
1 شىلدەدەن باستاپ استانادا قىلمىستىق، ازاماتتىق جانە اكىمشىلىك ىستەر بويىنشا ءۇش كاسساسيالىق سوت جۇمىسىن باستادى.
جاڭا سوتتار ەلوردادا ورنالاسقان. بۇعان دەيىن كاسساسيالىق ساتىنىڭ فۋنكسيالارىن جوعارعى سوت جۇزەگە اسىرىپ كەلدى.
مەملەكەت باسشىسىنىڭ جارلىعىمەن:
- ازاماتتىق ىستەر جونىندەگى كاسساسيالىق سوت ءتوراعاسى - سمايىلوۆ اسقار سپارتاك ۇلى جانە 37 سۋديا؛
- قىلمىستىق ىستەر جونىندەگى كاسساسيالىق سوت ءتوراعاسى - جۇماعۇلوۆ اقان مارات ۇلى جانە 20 سۋديا؛
- اكىمشىلىك ىستەر جونىندەگى كاسساسيالىق سوت ءتوراعاسى - ناجىميدەنوۆ بەرىك تولەۋتاي ۇلى جانە 18 سۋديا تاعايىندالدى.
سوت اكىمشىلىگى باسشىسىنىڭ وكىمىمەن كاسساسيالىق سوتتار دەپارتامەنتىنىڭ باسشىسى بولىپ ەرجان قوجاحمەتوۆ تاعايىندالدى.
