Almaty ákimdiginde jańa oqý jylyna qalanyń bilim berý uiymdaryn daiyndaý jóninde jumys keńesi ótti. Jiynǵa qala ákimi Darhan Satybaldy tóraǵalyq etip, basqarmalar men aýdan ákimderi qatysty,- dep habarlaidy Dalanews.kz
Basqosýdy ashqan qala basshysy mektepter men balabaqshalardy ýaqytyly ári sapaly daiyndaýdyń basty mindet ekenin aitty.
Keńeste qalalyq bilim basqarmasynyń basshysy Sairan Saifedenov baiandama jasady. Onyń aitýynsha, Almatyda 1 696 bilim berý uiymy jumys isteidi. Onyń ishinde 1 050-i – balabaqsha, 348-i – mektep, onda 565 myńnan astam bala bilim alyp jatyr.
Qazir «Keleshek mektepteri» ulttyq jobasy aiasynda 34,2 myń oqýshyǵa arnalǵan 20 jańa mekteptiń qurylysy júrip jatyr. 1 qyrkúiekke deiin 8 jańa mektep ashylýǵa tiis. Taǵy altaýy tamyz aiynda aiaqtalady. Buǵan qosa, jergilikti biýdjet esebinen 550 oryndyq bir mektep salynyp jatyr. 15 mektepke kúrdeli jóndeý júrgizilip jatsa, altaýy seismokúsheitý arqyly qaita jańartylyp, 4 mektepte qosymsha ǵimarat turǵyzylyp jatyr.
Birinshi jáne onynshy synyptarǵa qabyldaý josparly túrde júrip jatyrú Jańa oqý jylynda 26 099 búldirshin alǵash ret alǵash ret mektep tabaldyryǵyn attamaq. Búginde olardyń 18 myńnan astamy mektepke tirkelip úlgerdi. 9-synypty támamdaǵan 17 840 túlek 10-synypta oqýyn jalǵastyrady. Bul bilimge degen suranystyń joǵary ekenin kórsetetin oń kórsetkish.
Qaýipsizdik máselesi de nazardan tys qalmady. Qala mektepterinde 21 myńnan asa beinebaqylaý kamerasy, dabyl túimeleri, kirýdi baqylaý júieleri jáne órt dabyldary ornatylǵan.
«Oqý oryndaryndaǵy qaýipsizdik erekshe baqylaýda», – dedi ákim.
Qosymsha túrde maman daiarlaý, kolledjderdi tsifrlandyrý jáne jańǵyrtý máselesi qaraldy. Biliktilikti arttyrý baǵdarlamasy aiasynda 2025 jyly 5 myńnan astam pedagog oqytýdan ótti, onyń ishinde 400-den astamy shetelde bilim alǵan. Taǵylymdamalar nátijesinde 117 jańa bilim berý baǵdarlamasy men jobasy engizildi. Tehnikalyq jáne kásiptik bilim berý uiymdarynda 85 myńnan astam stýdent oqidy, olardyń jartysynan astamy memlekettik tapsyrys boiynsha bilim alyp jatyr. Kolledjderdi jańǵyrtý aiasynda jańa korpýstardyń qurylysy, kúrdeli jóndeý jáne zerthanalardy jabdyqtaý kózdelgen.
Jiyn sońynda Almaty ákimi Bilim basqarmasyna barlyq jumysqa baqylaýdy kúsheitýdi jáne belgilengen kesteniń qatań saqtalýyn tapsyrdy.
«Árbir nysan, meili ol jańadan salynǵan mektep bolmasa jóndeýden ótken ǵimarat bolsa da, ýaqytynda ári sapaly túrde tapsyrylýy kerek. Keshigý men syltaýǵa jol joq. Bizdiń basty mindetimiz oqýshylar men muǵalimder úshin jańa oqý jylyn laiyqty deńgeide uiymdastyrý», – dedi Darhan Satybaldy.
